अध्याय १ - अर्जुनविषादयोग
गीतेच्या पयल्याच अध्यायाच्या पयल्याच श्लोकांत राजा धृतराष्ट्र संजय ह्या आपल्या सारथ्या कडसून भारतीय युद्धाची गजाल समजून घेव्पाखातीर ताका प्रस्न विचारता. दुसऱ्या श्लोकांत धृताराष्ट्राचो पूत दुर्योधन द्रोणाचार्य कडेन गेल्ल्याची खबर संजय ताका दिता.
आपणाक कोणा कडेन झुजपाचें आसा हें समजुपा खातीर श्रीकृष्ण ताचेच सांगणे वयल्यान अर्जुनाचो रथ दोनूय सैन्यां मदीं उबो करता. उपरांत आपले आप्त, इश्ट आनी घरचे झुुजपाक तयार जाल्यात हें पळोवन, अर्जुन दुख्खान आकूळ जाता. झुुजांत आपल्या घरच्यांकूच मारून आनी झूज जिखल्यार राज्य, भोग आनी सुखां मेलोवन, आपणाक कितें लाभ जातलो असो खेद अर्जुनाक जाल्ल्यान ह्या अध्यायाक अर्जुनविषादयोग अशें नांव दिलां.