अनंत काकबा प्रियोळकार

अनंत काकबा प्रियोळकार हांचो जल्म दि. 5 सप्टेंबर 1895 या दिसा प्रियोळ हांगा जालो.

जल्म

अनंत काकबा प्रियोळकार हांचो जल्म दि. 5 सप्टेंबर 1895 या दिसा प्रियोळ हांगा जालो. ताणें घरांतूच मराठी चवथी मेरेन माशेलांत पुर्तुगेजीन प्रिमैर ग्राव मेरेन आनी फोंड्या इंग्लीसींतल्यान शिक्षण घेतकच तो गोंयाभायर गेलो. ताचे बी. ए. मेरेनचे शिक्षण धारवाडाक (कर्नाटक) आनी सांगलीक (महाराष्ट्रा) जालें. सांगलीच्या विलिंग्डन म्हाविद्यालांत बी. ए. चें शिक्षण घेता आसताना नामनेचो भाशाविद डॉ. पांडुरंग दामोदर गुणे हाचेकडेन प्रियोळकराचे खूबूच लागीचें संबंद आयलें ताका लागून डॉ. गुण्याच्या प्रभावान भाशाशास्त्र आनी पाणचिकित्साशास्त्र ह्या विशयाचें खोलायेन आनी व्यापकपणान अभ्यास करुन फुडें कांय मराठी काव्याची संपादनां उजवाडाक हाडली. 1929त बी. ए. जातकच ताणें कांय तेंप अध्यापनय केलें. फुडें रामचंद्र भिकाजी गुंजीकर ह्या गोंयकारान मुंबय चलयल्ल्या विविधज्ञानविस्तार नेमाळ्यांत 1925 सावन संपादकी वावर करुंक लागलो. तशेंच ‘ विविधवृत ’ ह्याय नेमाळ्याचो तो संपादक आशिल्लो. ताणें मुंबय नगरपालीकेंत 1926 ते 1849 मेरेन नोकरी केली. उपरांत मुंबय मराठी ग्रंथसंग्रहालयात एक फेब्रुवारी 1948 ह्या दिसा प्रा. प्रियोळकराचे प्रेरणेन स्थापन जाल्ले मराठी संशोधनाचे मंडळाच्या ‘ मराठी संशोधन पत्रिका ’ ह्या संशोधन विसयाक ओंपिल्लया तीन म्हयन्याळी नेमाळ्याचें ताणे संपादन केलें. 1966त तो मंडळांतल्यान निवृत्त जालो. प्रा. प्रियोळकराच्या नांवार 54 पुस्तकां आसात. तातूंत रघुनाथ पंडित विरचीत दयमंती स्वयंवर (1935) मुक्तेश्वरकृत महाभारत आदीपर्व (चार खंड 1951 – 1959). श्री मुक्तेश्वराचा शोध ह्या संशोधन निबंधाची जोड दिवन आनी अमृतानंद विरचीत योगराज टिळक (1956) हे ग्रंथ म्हळ्यार आधुनीक पाणचिकित्साशास्त्राचे बसकेचेर दारिल्लो संपादनाचो आदर्श. त्या निमतान ताणीं आर्विल्ल्या पाणचिकित्साशास्त्राचें स्वरुप आनी प्रस्न हांच्या संदर्भात खोलायेन चर्चा केली.