असमिया चित्रपट

असमिया चित्रपट ओडिया चित्रपटांसारकेच चडशे असमिया संस्थेन सादर केल्लो ‘योगमती’ हो पयली असमिया बोलपट (१९३५).तेउपरांत १९३९ त, तेच संस्थेन 'इंद्रमालती’ हो दुसरो चित्रपट काडलो. १९४१ त, आरोरा फिल्म कॉर्पोरशनान 'मनोमती’ हो चित्रपट काडलो. फुडल्या ६ वसात एकूय असमिया चित्रपट आयलोना. १९५३ सावन असमिया चित्रपटांची निर्मिती नेमान जावपाक लागली. ते उपरांतचे कांय चित्रपट अशेः ‘रोंगा पोलीस' (१९५८); 'पूबेरून' (१९५९); 'शकुंतला' (१९६१, हातूंतलो थोडो भाग रंगीत आशिल्लो); 'लोटीघोटी' (१९६६, राश्ट्रीय पुरस्कार); ‘अरण्य’ (१९७१, राश्ट्रीय ‘ममता' (१९७३, रूप्यापदक). डॉ. भूपेन हजारिका हाचो आसामी लोककथेचेर आदारित कामरुप चित्र संस्थेची 'प्रतिध्वनि' ह्या चित्रपटाक रूप्यापदक मेळिल्लें (१९६४). ब्रिजने बरुआ ही असमिया चित्रपटांतली नामनेचो निर्माती, दिग्दर्शक, संगीतदिग्दर्शक आनी नट जावन आसा. ताणे चौधरी चित्रायन खातीर तयार केल्लो ‘मणिराम दिवान' (१९६३) आनी रंगधर सिनेप्रॉडक्शनखातीर तयार केल्ली ‘डॉ. बेझ बरुआ' हे चित्रपट खूब गाजले. बरुआ आर्ट प्रॉडक्शनच्या 'स्मृतीरापारश' (१९५६) ह्या चित्रपटाक लागून तो फुडें आयलो. ताच्या फुडल्या वसा 'एरा बाटोर सूर ह्या चित्रपटांक लागून दिग्दर्शक-कलावंत डॉ. भूपेन हजारिका हाचे नांव गाजले. ‘लोटीघोटी' (१९६६) चित्रपटांतल्या सर्वोत्तम अभिनयाची पुरस्कार मेळयल्लो विजय शंकर हो आसामांतलो नामनेचो नट आसा. असमिया चित्रपटांची मागणी मर्यादीत आशिल्ल्यान हांगाची चित्रपटनिर्मिती खूब कमी आसता. १९६७ मेरेन सगळे असमिया चित्रपट कलकत्ता हांगा तयार जाताले; पूर्ण राज्य सरकारन १९६७ त, गुवाहाटी असमिया चित्रपट सादर करपी ज्योतिं प्रसाद ह्या कलाकाराचे नांव ह्या चित्रपटनिर्मितीघराक दिलां. १९७१ च्या पांच चित्रपटांत 'जय बियोग' आनी 'मानव और दानव' हे चित्रपट गाजले. १९७२ त सात आनी १९७३ त णव असमिया चित्रपट आयले. सुरवातीच्या काळासावन १९८८ मेरन सुमार १६० असमिया चित्रपट तयार जाले.