आयरीन कार्दोज
आयरीन कार्दोज एक ही तियात्रास.
जल्म
बदलआयरीन कार्दोज हांचो जल्म 18 ऑक्टोबर 1951 ,ह्या दिसा मुंबय शारांत जाल्लो. आयरीन पियेदाद कार्दोज ह्या नांवान लेगीत तिका वळखतात.तांच्या बापायचे नांव जोजफ अँन्थोनी रोजारीयो आनी आवय जोजफा मागरेदा रोड्रीगीश रोजारीयो. ही मूळ पाटो रायबंदर इल्लास गोंय हांगची.
वावर
बदलतिणें शाळेंत शिक्षिका म्हण काम केलां. उपरांत 2011 वर्सा मुख्यध्यापक म्हण ती सेवानिवृत्त जाली.1968 वर्सा गांवांत आशिल्ल्या कोपेलाच्या फेस्ता दिसा तिणें तियात्राचे माचयेर अभिनय करपाक आनी कांतारा गावपाक सुरवात केली. त्या काळार तांच्या वाड्यावयली कोणूच बायलां तियात्रानी वांटो घेनाशिल्ली. हेरांकडल्यान वेपार करून कलावंत बायलांक तियात्रांत अभिनय करपाक हाडटाले. आवय, बापूय, भाव आनी भयण हांच्या प्रोत्साहनान तियात्रांत वांटो घेवपी आयरीन ही पयली बायल.
तियात्रांत वांटो
बदलतोमाझीन कार्दोज हांचे कडेन काजार जाल्या उपरांत लेगीत तिणें आपली तियात्राची वाट चालूच दवरली.लग्न जाले उपरांत तोमाझीन कार्दोज हांणी बरयल्ल्या आनी दिग्दर्शन केल्ल्या तियात्रांनी काम केले. कला मोगी कांदोळी घडोवन हाडटाले तियात्र सर्तीनी, आयज मेरेन आयरीन कार्दोज हिणे 50 तियात्रानी वांटो घेतला. तिणे भाग घेतिल्ले तियात्रा म्हळ्यार कांटेच कांटे,दिता तशें घेता, झगझगता तितले भांगर न्हय, म्होंवाळ वीख,आमी सगळे एक,ओर्त,काल आनी आयज, नवी दिशा, भुरगी आमची गिरेस्तकाय, समाजसेवा,आदि आयरीनान कांदोळेची किरणां ह्या संस्थेतल्ल्यान गोंय कला सांस्कृतीक आनी सामाजीक केंद्र पणजी आनी गोंयचो लोकवेद हांच्यानी घडोवन हाडिल्ल्या मांडो उत्सवान तिणे भाग घेतला आयरीन कार्दोज हिणें कोंकणी कँसेट आनी सी.डी हातूंत भक्तिगितां, मांडो,माचयेवयली गितां आनी हेर लोकगितां गायल्यांत. ऑल इंडिया रेडियो, दुरदर्शन दिल्ली आनी गोंय, चित्रपट आनी दुरदर्शन केंद्र ,पुणे हांगसर वेगवेगळ्या कार्यावळिनी वांटेकार जाल्या. एक कलाकार म्हूण तिका मंगळूर, बंगळूर, मुंबय, कुवेत, दुबय मस्कट आनी पुराय गोंयभर कला सादर करपाक संद मेळ्ळी.
इनामां
बदलअभिनय, गीत गायन, तियात्र ह्या सगळ्यांत कला सादरीकरणा खातीर तिका इनामां लाभिल्ली आसात.
- श्रेश्ठ अभिनेत्री— पयलें इनाम 3 फावटी आनी दुसरें इनांम 2 फावटी
- श्रेश्ठ गायक--- पयलें इनाम 1 फावटी आनी खूब इनामां दुवो आनी त्रायो
- वेशभुशा---- पयलें इनाम एकदा
ह्या सगळ्या भायर basalia carvalho konknni puraskar (बसेलिया कार्वालो कोंकणी पुरस्कार), थोमस स्टिफन्स कोंकणी केंद्र पर्वरी हो पुरस्कार फावो जाला.
कोंकणी आना इग्लींश भाशेंत आपल्या लिखाणांतल्यान समाजात बदल घडोवन हाडपाक वावुरता.