उपळसार

उपळसार

उपळसार वनस्पत ही एक वेल. पावसाच्या दिसांनी ही बेल किल्लून येता. हे वेलीक बारीक पानां

आनी पाचव्यासार रंगाचीं फुलां फुलतात. उपळसारीचे वेलीक चेपटी लांब बारीक फळां लागतात.

हाचें मूळ आनी आंग तांबश्या रंगाचें आसतात. मुळाक बरो वास येता.

प्रकार:

धवी आनी काळीं [cryptolepsis buchanana] अशें उपळसारीचे दोन प्रकार पळोवक मेळटा.

काळे उपळसारीचीं पानां जांबळीच्या पानां भशेन आसतात. आनी मूळ काळया रंगाचें आसता.

उपळसारीचें मूळ घरगुती वखद म्हूण वापरतात.

उपळसारीचे उपेग :

कुडितलो पित्तदोश इबाडून खोकली मारीत वा धांप लागत, तशेंच खोकली मारुंक हड्डयांत दुखत

जाल्यार उपळसारीचो चूर्ण तुपावांगडा पोटांत घेवचो. ताचे वयल्यान गरम उदक पिवचें. तोंडाची

चव इबाडप, भूक उणांवप अशा लक्षणां वेळार उपळसारीचो चूर्ण गरम उदका वांगडा घेवचो

पातळ परसाकडेन जायत वा संडासा वाटेतल्यान रगत पडत जाल्यार वयले वखद उपेगी पडटा.

कुडीतले रगत इबाडून कातिचे विकार जायत वा कातीक सूज येवप, कांत खरखररीत जावप,

कातिचो रंग इबाडत वा घाम येयत जाल्यार उपळसारीचो चूर्ण पोटांत घेवचो. अशें केल्यार कुडितले

रगत शुद्ध जांवन कातिचे विकार बरे जावपक मद्त जाता.

उपळसारी चूर्णाचे फायदे:

सांध्यांक सूज येवप, सांधे दुखप(आमवात) अशा लक्षणां वेळार उपळसारीचो। चूर्ण पोटांत घेवचो

जोर येवन आंगाक जळजळ पडप, घुवंळ येवप, परवप, उलटी जावप अश्या लक्षणां वेळार उपळसार

उदकांत घालून शिजोवची आनी तें उदक पिवपाक दिवचे. आंगाक हाता पायांक जळजळ पडल्यार

उपळसारीचो चूर्ण दूदावांगडा पोटात घेवचो. तकली दुखल्यार उपळसारीचो मुळांचो लेप कपलार लावचो.

दोळे आयल्यार ताज्या मुळांचो रोस काडून तो गाळून दोळ्याचेर घालचो. तशेच घावो जाल्यार उपळसारीचो

लेप घाव्यार घालचो. गांवगिरे वाठारांत ही वनस्पत सहजतायेन मेळटा.'सारिवा चूर्ण ' ह्या नांवान हे वनस्पतीचो

चूर्ण बाजारांत मेळटा.