क्रुज कुतीन्हो

क्रृज मार्सिलीनो कुतीन्हो हो एक तियात्र कलाकार.

जल्म

क्रृज हांचो जल्म 4 मे, 1951 ह्या दिसा मोरायलीं कुडचडें हांगां जुवांव कुतिन्हो आनी रोजादा फेर्नांडीस हांगेर जाल्लो.

वावर

तियात्रांतल्यान माचयेर पावल दवरलें. ह्या तियात्रांत तांणी खलनायकाची भुमिका केल्ली. तांणी जॅरोम द पंचवाडी हांणी बरोवन दिग्दर्शीत केल्ले खेळ तियात्र, जें ऑल इंडिया रेडियो, पणजी हांगां प्रकाशीत जाल्ल्या खेळ तियात्रांनी काम केला. तशेंच दर वर्सा ख्रिस्मसाच्या वेळारे मोरयलें गांवांत आपूण तियात्र बरोवन, वाडयावयल्या भुरग्यांक एकठांय करून, तांकां शिकोवन तियात्र माचयर हाडटालो.

तांणी खेळ तियात्रांक संगीत दिले. ताणे सी. डी. सिल्वा हांच्या ‘मानका मोतिया’ ह्या तियात्रांत भाग घेतिल्लो.

2 ऑक्टबर 1977 ह्या दिसा सोंट्रो सोश्यल ऍजो क्सटोडीयो, कुडचडे हे संस्थेंन गांधी जयंती निमतान आयोजीत केल् कार्यावळींत क्रुज हांणी ट्रंपेटान स्पेनीश आयज् ही धून पयले फावट वाजयिल्ली.उपरांत ताचो भाव बेंजामिन कुतिन्होहाचो आदार घेवन ते1977 खेळ तियात्रान वांटेकार जाले आनी आयज मेरेन आपले ट्रंपेट सकयल काडूंक ना.

वेवसाय

रोखडोच क्रुज हो एक फामाद तियात्र संगीतकार जालो. वाजोप्यांच्यापंगडाचो मुखेली जावन ताणे मिस्टर लिनो दि गुडी, एती दि नुवें आनी जायते लोकल अशें तियात्रांक जे सांगें, कावेलोसीं, शिराडा, चांदोर, कोरतालीं हांका तियात्रांक संगीत ताणे दिले. वेवसायीक तियात्राचे माचयेर फामाद आनी लोकप्रिय तियात्र आनी खेळ तियात्राचे दिग्दर्शक सेनचूरी किंग रोज फन्स, क्रिस-मिना, मेनिनो मारियो, सि. डि. सिल्वा, अनिल पेडणेकर, परमानंद लोटलिकार, पिटर रोशन आदि खातीर संगीत तांणी वाजयलां. उल्हास बुयांव, सुकोरो दि सांता क्रुज, लोरना, सिध्दार्ध बुयांव हांच्या संगीत कार्यावळींत तांणी वाजयलां.

13 वर्सा 1992-2005 मेरेन पिंस जेकोब हांच्या उत्पादनाक तांणी आपले संगीत दिले. ते आपले पंगड कूवेट, कतार, बारेन, मुस्काट, दुबय, अबु-दाबी आदि गल्फ देशांनी भोंवल्यात. 2005 ते आजुन मेरेन डबलसेनचूरी किंग मॅनिनो दि बांदारहांच्या वाजोवप्याच्या पंगडाचो मुखेली म्हण काम करतात.

तो पेंपारे वा टनोर सॅकसोफोन आजुन लेगीत वाजयता आनी ताका आजुन मेरेन ताच्या तियात्राचे वेवसायीक कलाकार आनी तियात्र पळोवपी लोक मान दितात.

नाटकुली

1970-1972 ह्या काळार चलिल्ल्या आंतर गांव एकांकी सर्तीं खातीर तांणी ल्हान नाटकुली बरोवन दिग्दर्शीत केल्यात. तांची कांय फामाद नाटकुली म्हळयार ‘वायट येता ते बोरयाक’, ‘इलेक्शन’, ‘पोरोत एकवोट’, ‘ड्रग्ज’. सांस्कृतीक श्रेत्रांत सक्रीय आशिल्ल्यान भारतांतल्या नवी दिल्ली, केरला, हिमाचल प्रदेश, मेघालया, आसाम, बिहार, कोलकाता, हरयाना ह्या शारांची भोंवडी केल्या.