जुझे ऍन्टोनियो आगोस्टिनो फेर्नांडीस

जुझे ऍन्टोनियो आगोस्टिनो फेर्नांडीस हो अंथनी सेन म्हण फामाद आशिल्लो।

जल्म

ताचो जल्म 13 जून 1956 सांगे जालो.

शिक्षण

7 वरसाचो आसतना ताच्या शाळेच्या कार्यक्रमाक ताणें आल्फ्रेड रोझाचे एक फामाद गीत “ आइ लव ऐस्ता, लवली ऐस्ता ” गायलें आनी ताका सगळ्यांनी उबे रावन ताळ्यो मारल्यो आनी हाकालागून गीत गावपाक ताका खूब प्रेरणा मेळ्ळी आनी हांगासावन ताणें गीत केरियराची सुरवात केली.

वावर

अंथनी सान एक व्हड तियात्रिस्त आशिल्लो जाणें गायन आनी आवाज मोड्यूलेशनान पदवी घेतल्ली.‘कला अकादमी स्कूल ऑफ वॅस्टर्न म्यूजीक’हांगा लिओपोल्डिना फिगरेडो हांचे कडल्यान प्रशिक्षिणजाले. शुबर्ट कोता जो एक शास्त्रिय गिटारांत फिशाल,ताणें ताका गिटार वजोवपाक शिकयलें. ताणे ‘म्युजिक सरकल’ जी एक प्रतिष्ठित संगीत शाळा जावन आसा जी मडगांव आसा, तांतूत ताणें नोंदणी केली कारण ताका आपली गावपाची कला बरी करपाक जाय आशिल्ली.

ताणें‘ओपेरास’ सादर केला आनी हाची शिकवणी ताणी सर्गेस्त मायेस्ट्रो फा. लुऊडिनो बारेटो आनी फा. कामीलो झेवियर हांचेकडल्यान घेतली. ताणें पयलो फावट तियात्रांत 19 वर्सा ह्या पिरांयचेर रेम्मी कोलासो हाचोतियात्र “दोन काळजां”काम केलें. ताणें खूब नामनेचे तियात्र कलाकार जशे सौझा फेरांव,सी.अल्वारीस,ऐम. बॉयर ,जासिंटो वाझ , ऍटोनेट मेनडिस ,अलफ्रेड रोझ ,रिता रोझ , औफेलिया , बेटी नाझ हाच्या बरोबर माची गाजयली. ताणें रोझारीयो डायस हाचो“ बेमान आवयचो बदमास पूत ” हातूंत भुमिका केली.