जॉनक्लारो फर्नांडीस

जॉनक्लारो फर्नांडीस हो कोंकणी तियात्र माचयेचो फकिवंत कलाकार.

जल्म

जॉनक्लारो फर्नांडीस, 5 डिसेंबर 19—ह्या दिसा जल्मलो.

वावर

फाटल्या 60 वर्सा पसून तियात्राची परंपरा राखून दवरपा खातीर तशेंच तियात्राच्या प्रगती खातीर ताणे योगदान दिलां. ते एक अशे तियात्रिस्त जाणे तियात्राचो इतिहास समाजा मुखार खूब वावुरले. कोंकणीचो पयलो तियात्र ‘इटालियान भुरगो’ हो 17 एप्रील 1892 वर्सा माचयेर हाडिल्लो म्हण ताणे सोद केल्लो.हो पयलो तियात्र न्यू आल्फ्रेड थिएटर, मुंबय हांगां सादर जाल्लो. आयज त्या जाग्यार पुलीस कमीशनराचे मुखेल ऑफीस आसा.

२५ डिसेंबर १९५३ रोजी 'कामील बॉटलेर' नांवाच्या तियात्रांत काम करून आपल्या वावराची सुरवात केली. आजपर्यंत, ताणे १५ तियात्र बरयल्या जाची नांवांरिणकारी जांवोय, निर्मिलोलीसून, गुपीत कारण, घराब्याची दुर्दोशा, उतराचीमुदी, पुर्तुगेज कोलवोंत, त्रेवीस वोर्सां, कोंकणी आदवोगाद, इंग्लेज मॅडम, तांबडीमाती, रोस्तादाकओस्ताद, विंगळीनाचपीण, सिव्हिलकाझर आनी अमेरिकन डॉलर. ताचो तियात्र पुर्तुगेज कोलवोंत हो फामाद जाल्लो तियात्र तशेंच 100 वयर प्रस्तुती करपी पयलो तियात्र.पुर्तुगेज कोलवोंत हो सगल्यात लोकप्रीय आसून लेगीत ताका आपल्या ‘23 वोर्सां’ ह्या तियात्राची संहिता आवडटा.

ल्हानपणापासून कोंकणींतल्यान तो बरयतालो. ताचे पयलें लेखन 'चाबूक' रोमीं लिपीयेंतल्या नेमाळ्याचेर छापून आयलें. खरे म्हणल्यार ते चाबूक ह्या नेमाळ्याचेर सततपणी बरोवपी आशिल्ले. ताचो चडशे बरोवप ल्हान कथा आशिल्ल्यो. सोपूत, बिरमोत. हें कोण जायत? आनी तें कोण जायत? ह्यो तांच्यो लोकप्रीय जाल्ल्यो काय कथा. गोवा टाइम्स,सोत उलोय, गोवाएक्सप्रेस,नवीगोवा,गोंयचोआवाज,गुलाब,गोवन रिवीवह्या नेमाळ्यांनी तशेंच म्हयन्याळांनी तो बरयतालो.

गोंय स्वतंत्र जाल्या उपरांत ते गोंयां आयलें आनी आपलें लिखाण चालूच दवरलें. नवीन टायम्स्, हेराल्ड आनी गोमंतक टायम्स् सारक्या दिसाळ्यांनी ताचे लिखाण छापून आयलां. तियात्राचेर, ताच्या रक्षणाचेर, प्रगतीचेर आनी गोंयच्या समाजांत तियात्राचें म्हत्व दाखोवन दिवपाचो श्रेय फक्त ह्या म्हान मनशाक वता जाचे नांव जॉन क्लारो फेर्नांडीस.

ते एक कादंबरीकार आनी तांच्यानी आपली पयली कादंबरी नोर्सीचो मोग 1966 वर्स छापून हाडली. तशेंच तांचो तियात्र 23 वोर्सां कला अकादमीन प्रकाशीत केल्ल्या तियात्राचो जेलो ह्या पुस्तकांत आस्पावला. गोंय मुक्ती पयली ऑल इंडिया रेडियो, मुंबय हांगां आपलीं नाटकां सादर करून कोंकणी तियात्राक म्हत्वाचें योगदान दिलां. तांकां जायत्या पुरस्कारानी सम्मानीत केल्लो आसा.

पुरस्कार

• 1980 वर्सा कोंकणी दिसाळें गोंयचो मोग हाणे तांकां मॅन ऑफ द यीर म्हण वेंचून काडिल्लो.
• १९९३ह्या वर्सा तियात्राची१००वर्साजाल्ल्या निमतान तांच्या योगदानाखातीर तांचो भोवमान केल्लो.
• २००३हयावर्सा अखिल भारतीय कोंकणी साहित्या सम्मेलनांत तांचो भोवमान केल्लो.
• 1995 वर्सा गोंय सरकारान तांकां गोंय राज्या संस्कृतीक पुरस्कार 93-94 दिल्लो.
• २००४ह्या वर्सा दाल्गाद कोंकणी अकादमी हाणी दाल्गाद कोंकणी अकादमी पुरस्कार दिवन तांच्या वावराचो भोवमान केल्लो.
• कलाआनीसांस्कृतिकसंचालनालय,गोंय सरकारान2009 वर्सा तियात्र अकादमीच्या उक्तावण सुवाळ्याक तांचो भोवमान केल्लो.