जॉन वाज
जॉन वाज हो एक तियात्र कलाकार.जॉन वाज,माचयेवेलें नावं मारकूस वाज.
जन्म बदल
हांचो जन्म२६ एप्रील १९९६ बॅन्ड्रा मुंबय हांगा जालो. जॉज लॉरेन्सो वाज (नावाधीक अनुभवी तियात्र आटिस्ट जाका मास्टर वाज ह्या नांवान वळखतात) आनी मैरिएन पियादाद हांचो चलो.ताचो बापूय कल्विम, आल्दोनाचो आशिल्लो पूण मागीर तो उतोरडा, सालसेट रावंक लागलो, थंय ताचे बायलेचे मूळ घर आशिल्ले.
शिक्षण बदल
मारकूस हाणें सेंट एंथोनी हाई स्कुल माजोर्डा हांगाच्यान शिक्षण प्राप्त केलें.
वावर बदल
मारकूस, ८ वर्सांचो आशिल्लो तेन्नाताणें आपली व्हडली भयण;‘फेलिसिया’ वांगडा आपलें पयलेंअभिनय ‘वडपण,’ ह्या तियात्रांत केलें. आयज पासून ताणें ७ तियात्र केल्यात ते म्हणल्यार ‘मूठ भर माती’,’ रगताक रगत’, ‘आलमाच्या दिसा’, ‘रगताचो फातर’, ‘शीम ओ शीमतेर,’‘भयणीचो सांभाळ’, आनी ‘पांपरेल.’ कांय हेर तियात्रिस्तांचे तियात्रतातूंत ताणें अभिनय केलां, ते म्हणल्यार ‘केन्ना उद्देतलो तो दीस’,‘बायलांची रीत’,‘वावराडी पाय’,‘फोटकीरो’, ‘उपकार नासलो,’‘बायलेक लागून’, ‘आतां कोण घातकी’, ‘एकूच काजार’,‘गोंयचें उदक’,‘बुनियाद नासलेलें घर’,‘के सेरा सेरा’,‘हातिचीं पांच बोटां’,‘पाद्री मोगापडलो’,‘वेळ’,‘देवासपण’,‘पाय’,‘स्ट्र्ईक’,‘क्वेशन मार्क’,‘रिपोटर’,‘बावलेलीं फुलां’,‘पिसोडलेलीं फुलां’,’सांडलेलीं फुलां’,’मोगाचीं फुलां’,’निवार आमकां’,’गुन्याव कोणाचो’,’भुरग्यां सांगाताक’ आदी.
तियात्रमाचयेर तांचें खाशेलेपण म्हणल्यार तांचें सुवादीक ताळयान गावप. एक घर चार वांटे, पदोन तियात्रिस्ट, बोंम्बे देखो, राखणो, दया, अपघात, सवसारांत कोण व्हडलो, काजाराचो इनाम, तान आनी घर ह्या तियात्रांनी ताणी कांतारां गावप केलां. विटोरिन परेरा, पौट्रिक डोरादो, रोबिन वाज, एम बॉयर, जासिंत वाज, सी आल्वेरस, मेंडेस ब्रास, रोजफन्स, मारियो मिनेझिस, मिलाग्रिस, मेनीनो दी बांदार, टोनी डायस, एच ब्रिटोन, रिको रोड, नेल्सन, जॉन डिसिल्वा, रेमि कोलेको, लॉवरी त्रावासो,फ्रांसीस डी तुवें, मेनीनो मारिओ, मारियन फनांडीस, रोमाल्डीनो फनांडीस, फिलिप आनी जेनेट, सेमि टावारीस आदी हांच्या वांगडा ताणी भुमिका केल्यात.
मार्कस वाज हाणें दोन सिडी ‘गोंयची गिरेस्काय’ आनी ‘बारा म्हयने’ आनी एक विसिडी ‘ग्रीन कार्ड’ उजवाडाक हाडल्यो. ताणें आपलें गायन विसिडी,सिडी आल्बमांत रेकॉर्ड केलां. हांचे परस ताणे अखिल भारतीय रेडियो आनी गोवा दुरदर्शन विभिन्न अभिनयात आनी गायन कायक्रमांत अभिनय केले.
पुरस्कार बदल
कोंकणी तियात्राक ताणें दिल्ल्या योगदानाक लागून ताका जायत्या संस्थानांनी सम्मानीत केला. १९७६ ह्या वर्सा ‘दी बेस्ट चरित्र अभिनेता’ गोवा कला अकदेमीचे खेळ सर्तीत फावो जालो. सिनेमाटाईम्स (बोंम्बे) पुरस्कार.२००८ आनी २००९ दोन फावटी सर्वश्रेष्ठ संगितकार आनी गायक आशिल्यान ताका डॉ. जॅक डी सिक्वेरा पुरस्कार फावो जालो.२०१६ ह्या वर्सा ताका ‘टायम्स पुरस्कार’ फावो जालो. टी.ए.जी लोकप्रिय तियात्र सर्तींत २०१५ सर्वश्रेष्ठ गायक आनी २०१६ सर्वश्रेष्ठ गीतकार अशे पुरस्कार फावो जाले. ताका २२ मे २०१७ ह्या दिसा मारगांव ‘तियात्र सेलब्रेशन कमिटीनपासून’ ताका तांच्या १२५वी जयंती दिसा सम्मनीत केलो. मारकूस हाणें मारयानो फर्नाडीस, रोमेल्डिना जे फर्नाडीस, फिलीप आनी जेनेट, सेमी टावारीस आदी हांच्या वांगडा तियात्र भुमिका करपाक यूके, यूएसए बी भोंवन आयला.