तवशें

तवश्याचे गुण धर्म

गांवगिऱ्या वाठारांनी चडावत लोक पावसाळ्यात तवश्यांची लागवड करतात.तवश्यांचो वेगवेगळ्यो जाती

आसून गोंयात लोक कांय कडेन मिर्ग लागचे पयलीं तवशांचे मळे किल्लोवन काडतात.तवश्याचो पिपऱ्यो

खावपाक रुचकर लागतात.पावसाळयात तवशें चड प्रमाणात खाल्लयार थंडि जावंपाची शक्यताय दाट

आसता.

तवश्याचो उपेग

तवशें हें थंड आशिल्ल्यान गरमेच्या दिसांनी वा पित्ताच्या दुयेंसां वेळार तवशें उपेगी पडटा.पित्त इबाडून

जाल्ल्या दुयेंसांत तशेंच कामणी सारख्या दुयेंसा वेळार तवशें खावचें.

मुतपाक कमी जायत वा त्रास जायत जाल्यार तशेंच आंगांक जळजळ पडल्यार तवशें किसून मेथी आनी

गोड घालून केल्ली पेज जेवची.आंगांक आनी हातपायांक जळजळ पडल्यार तशेंच न्हीद पडना जाल्यार

तवश्याचो गर वाटून ताची लेप हाता पांयांक आनी तकलेक काडचो.तेभायर खोबरेल तेलांत तवश्याच्यो

बिंयो घालून शिजोवन तयार केल्लें तेल लावचें.

तवश्याचे खाशेलताय

तवश्याची तवसळ करून खाल्ल्यार कुडीक बळ मेळटा आनी घटसाण येवपाक मजत जाता.तवश्याची

पातळ कापां मारून मुखामळार लायल्ल्यार कातिवयले दाग कमी जावन रंग सुदारता.तशेंच दोळ्यांभोंवतणी

काळी वर्तुळां जाल्यार तवश्याची पातळ कापां दोळ्यांर दवरचीं.अशें केल्यार थोड्याच दिसांनी बदल दिसून

येता आनी तीं काळी वर्तुळां वयतात.तवशें चड प्रमाणात खाल्ल्यार थंडी जावपाची शक्यताय आसून तवशें

खाताना हाची जतनाय घेवची.

तवश्याचे वयले वखदी उपेग आनी ताचे गूणर्धम लक्षात घेवन गरमेच्या दिसांनी बाजारात मेळपी ह्या

तवश्याचो उपेग करचो.