दिपा मुरकुंडे
दीपा मुरकुंडे ही कोंकणींतली नामनेची लेखिका आनी प्रकाशक.
जल्म
बदलदीपाबायचो जल्म १० मे १९४८ वर्सा पणजी गोंय हांगा जालो.
शिक्षण
बदलतांणी हिंदी विशयांत बोंम्बे विद्यापीठाची एम्.ए.पदवी जोडल्या. एन्.आय्.ई.तल्यांन डी. एच.ई. केल्या.
वेवसाय
बदलस वर्सा गोया शिक्षिका म्हणून काम केलां. स वर्सा कोल्हापूर (महाराष्ट्र) शेती केल्या. १९८१ते २००३ वर्सा मेरेन गोया कामाक्षी इलेक्ट्रिकल्स ह्या स्वताच्या धंद्यात योगदान दिलां. २००३ ते२००७ मेरेन कामाक्षी जनरल स्टोअर्स हे स्वताचें दुकान चलयलां.
समाज कार्य
बदलएम.जी मारकेट शॉप ओवनर्स असोसीएशन च्यो जोड सचीवा म्हणून तीन वर्सा काम केलां. गोयच्या सांस्कृतीक राजधानीतले संडास निवळ करून घेवंक आग्वाद बंदखण भोगल्या. शांतिनगर एकवट संस्था स्थापन करून शांतीनगर वाठारान बस हाडप, शिवण वर्ग सुरू करप आनी रस्ते निवळ दवरपाचो वावर केला. २००७ वर्सा श्री हरी भजन मंच स्थापून वेगवेगळ्या देवळांनी २०१२ मेरेन भजनाच्या कार्यावळी केल्यात.
साहित्य
बदलकथा
बदल- उमजणी,[1]
निबंध
बदल- नुपी
- चिमी
- पडबींब
- भौरंगी जीण भाग-2.
- सांगात म्हजें नांव,सांगात मनांतलें.
बाल साहित्य
बदल- पिटकुली नाटकुलीं.
- अशी आमी भुरगीं.
वावर
बदलसरस्वतीची उपासना म्हणून ‘श्री हरि प्रकाशन’ सुरू करून १९९८ ते २०१४ मेरेन पंदरा लेखकांची वट्ट शेचाळीस पुस्तकां उजवाडायल्यांत. गोवा रेडियोचेर हिन्दी पाठ बरोवन सादर केल्यात. नाटकुली आनी वनीबायली वासरी खातीर बरयलां. गोंय सरकारच्या फ्री लिगल एड बोर्डाचेर कांय तेप काम केलां. कोंकणी भशा मंडळ हे संस्थेची जोड सचीव म्हणून २००८ ते २०१२ वर्सा खातीर काम केला. साहित्य उपासना ह्या कार्यावळीची अध्यक्ष म्हणून दोन वर्सा गोंयच्या वेगवेगळ्या वाठारांनी साहित्य उपासनेच्यो कर्यावळी केल्यात. कोंकणी बालसाहित्याच्या मळार केल्ल्या वावराक लागून केंद्र सरकारान २००७ वर्सा २६ जानेवारीक प्रजासत्ताक सुवाळ्याक दिल्लीक आमंत्रीत केलां.
पुरस्कार
बदल- उमजणी (कथा)- (कोंकणी भाशा मंडळ पुरस्कार).
- कोंकणी बालसाहित्याच्या मळार केल्ल्या वावराक लागून केंद्र सरकारान २००७ वर्सा २६ जानेवारीक प्रजासत्ताक सुवाळ्याक दिल्लीक आमंत्रीत केलां.
- स. रामनाथ एस.मथा बालसाहित्य पुरस्कार २०१७
- भेटोवपी: कोंकणी कला साहित्य केंद्र-कुडचडें-गोंय.
संदर्भ
बदल- ↑ मुरकुंडे,दीपा.उमजणी,श्री हरि प्रकाशन शांतीनगर. १९९८.