नगर लिपियॆंतुं कॊंकणि बरंवचॆं
कॊंकणि बरंवचॆं नियमावलि
बदलगॊंय आनि कॊडियालांतुं नवॆंचि कॊंकणि विषय म्हुणु शिक्कंवुक सूरु कॆल्लां। कॊंकणि बरंवचॆक सम्म नियम नात्तलॆनिमित्ति विंगड-विंगड जन तात्तांगॆलॆ अभिप्राय लांवुनु कॊंकणि बरंयताति। तरि कॊंकणि बरंवचॆं खात्तिरि हीं कॆलवु सर्वसामान्य नियम आस्सति।
- कॉंकणि ऊत्र बहुशः ह्रस्वांत (ending in short vowels) आस्सति उदा. हिंदि, कॊंकणि, मराठि, गुज़राति ।
- हॆं नियम सकड आधुनिक भारतीय-आर्य भास पाळताति। तीन अक्षरालॆं ऊत्रांतुं कडेक अ, आ नात्तिलॆरि आनि मध्येलॆं व्यंजनातुं अकार असलॆरि तॆं मध्येलॆं व्यंजन हलांत ज़त्ता उदा. ज़ारलॊ(cockroach) हांतुं कडेक अ ना, म्हुणु हाज्जॆं उच्चार ज़ार्लॊ अश्शि ज़ात्तलॆं। हॆं बरप (अकारांति ऊत्र) विषयारि ज़ायना)। हॆंचि चार अक्षरि ऊत्रांतुं ज़ात्ता उदा. म्हालगडॊ उल्लयतना 'म्हाल्गडॊ ज़ात्ता।
- उदा. हिंदिंतुं to do हॆं करना ज़ात्ता ज़ाल्लॆरि म्हणताति कर्ना। मराठिंतुं करणे बरंयताति आनि कर्णे उल्लंयताति.. ताज्जॆ समानचि कॊंकणिंतुं करचॆं बरंवयेद आनि कर्चॆं म्हणयेद।
- हिंदि, मराठि, नॆपाळिक असदृश कॊंकणिं ऊत्र अपरूप व्यंजनांत आसताति। उदा घर (ghara), बरप (barapa)
- कॊंकणिंतुंचि मॆळतलॆं यॆकळॆं वैशिष्ट्य हॆं कि प्रत्यय लागचॆं उपरांत अथवा नामपदालॆं विशेषणपद करचॆं उपरांत ऊत्र ह्रस्वांतंथांवुनु दीर्घांत ज़ात्ता। उदा. तीळ-तिळांतुं, पूतु-पुत्तालॆं, तेरु-तॆरारि, थोरु-थॊराक