पंडित कुमार गंधर

पंडित कूमार गंधर् शिवपृत्र सिध्दारामय़्य़ा कोमकलीमठ हांचो जल्म बेळगांवलागच्या सुलेभावी हांगसर दि. 8 एप्रिल 1927 या दिसा जालो. पिरायेच्या पाचव्या वर्सा ताणी आपूण संगीत घेवनच जल्माक आयल्याची जाणीव बापायक करून दिली. पिरायेच्या धाव्या वर्सा कुमारजींनी पयल्या फावट माच्च्येर गायन केले. ताज्या बापायन ताका देवधर हाच्यालागी संगीत शिकपाक धडलो.पिरायेची वीस वर्सा जाल्ली तेन्ना तो त्याच गुरुकुलांत शिकोवपाक लागलो. थंयच गुरुकुलांत शिकवपी भानुमती कंस हांच्यालागी तांचे लग्न जाले. एप्रिल 1947 या वर्सा तांका टीबी जाली. वैजकांच्या सांगण्यावयल्यान ते मध्यप्रदेशांतल्या देवास हांगा रावपाक गेले. फुडली स वर्सां तें गांव शकले ना. पूण खाटीर पडल्या पडल्या ते निसर्गांतलो प्रत्तेक आवाज आयकतालो. स्वतालागी गुणगुणटालो. हातूंतल्यानूच तांका निर्गुणी भजनांची आवड लागली. फुडे जेन्ना स्ट्रेप्टोमायसिन या वखदाचो सोद लागलो, तेन्ना या वखदान पंडितजींचेर इलाज केलो. पूण तो मेरेन तांचे येक फुफ्फुस निकामी जाल्लें. पूण उमेद ना हारतां उरिल्ल्या येका फुफ्फुसाचेर ह्या गंधर्वान संगिताचो स्वर्ग उबो केलो. ताजो चलो मुकूल आनी चली कलापिनी हाणी हो फुडे चलयला. कुमार गंधर्वालो नातू भुवनेश होसुद्दा आजाभशेन शास्त्रीय गायक म्हूण नामणाय मेळयता.