प्रमोद महाजन

प्रमोद महाजन

जल्म

प्रमोद व्यंकटेश महाजन हांचो जल्म 3 ऑक्टोबर 1949 या दिसा मेहबूब नगर , आंध्रप्रदेश हागा जालो. प्रमोद हो व्यंकटेश देवदास महाजन आनी प्रभादेवी हांचो दुसरो चलो. प्रकाश आनी प्रवीन हे तांचे भाव आनी प्रज्ञा आनी प्रतिभा ह्यो भयणी.

शिक्षण

प्रमोदालें मुळावे शिक्षण योगेश्रारी विधालय हांगा जालें. फुडे ताणे योगेश्रारी महाविधालय आनी रानडे पत्रकारिता या संस्थेंत जालें. भौतीकशास्त्र आनी पत्रकारिता हातूंत ताणी पदवी मेळयली. राज्यशास्त्र या विशयांत प्रमोदान पदवे उपरांतची पदवी मेळयली.

आवड

ताका नाटकां पळवपाची खूब्ब आवड आसली.

लग्नी जिवीत

हीच आवड आशिल्ल्या रेखा हमिने हाज्यावांगडा ताची वळक जाली आनी दोघांयचे 11 मार्च  1972 या दिसा लग्न जालें. तांका पूनम ही चली आनी  राहुल हो चलो आसा. दोगांय भुरगीं वैमानिक आसा. ल्हानपणासावन प्रमोद हो राश्ट्रीय स्वंयंसेवक संघाचो कार्यकर्तो आशिल्लो. फुडें तो पूर्णवेळ प्रचारक आशिल्लो. आणिबाणीच्या वेळार नाशिक मध्यवर्ती बंदखणींत तो आसलो.

राजकारभार

त्यावेळासावन प्रमोद महाजन सक्रीय राजकारणांत देवलो. मराठवाडा आनी महाराश्ट्रांतल्य गावागावांनी जनसंग आनी भाजप पावोवपाचें व्हड काम गोपीनात मुंडे आनी प्रमोद महाजन ह्या दोघांय इश्टांनी केले. प्रमोद लोकसभेपरस राज्यसभेचेर चड फावटी नीवडून गेलो. तेरा दिसांच्या वाजपेयी सरकारांत तो संरक्षणमंत्री आशिल्लो. वेवसायिक आनी संघटन कऔशल्य आशिल्लो राजकारणी म्हूण तो वळखलो वतालो. आपल्यापरस आपलो भाव चड फुडें पावलो, भौमानेस्त जालो म्हूण प्रवीण महाजन हाणे ताका 22 एप्रील 2006 या दिसा 32 ब्राउनिंग पिस्तुलांतल्यान 4 गुळ्यो घाल्यो. प्रमोद महाजन फुडले 13 दीस मरणाकडेन झगडलो.

मरण

पूण 3 मे 2006 या दिसा सांज 4 जावन 10 मिण्टांनी तो भायर पडलो. आपल्या नावाच्या अधाक्षरांत पी.एम.ही अक्षरां घेवन जन्मांक आयिल्लो आनी कर्तृत्वान खरोखरच प्रधानमंत्री जावपाची कापास्ताद आशिल्लो येक तळागाळांतलो मनीस. ताच्याच भावान ताका फारान मारलो.