फातिमा सायबीण परब
फातिमा सायबिणिची परब
बदलविसाव्या शेंकडयांत खुबूच भिरांतिचो काळ जावन आसलो. संवसारीक पयलें विश्व झूज चलतले. हें झूज जुलाय-आचे २८वेर १९१४ वर्सा सुरू जावन नोव्हेबराच्या ११वेर १९१८ वर्सा सोपॊले. इतिहास सांगता त्या प्रमाण ह्या झुजांत ९ मिल्हांव (९० लाख) झुजारी आनी ७ मिल्हांव साधो लक संपललो. ह्या भिरांकूळ काळांत मायाचे १३वेर १९१७ वर्सा फातिमा सायबिणिच्या पयल्या दिसण्याची खबर पसरपाक लागली.
विश्व झुजाच्या तिसऱ्या वर्सा मायाचे १३वेर भुर्गीं लुचिया दस सांतस, तिचो बापूल भाव फ्रान्सिसक आनी बापूल-भयण जाचिंता मार्तो सदांचें परीं आपल्या शेळ्यांक चवा दा इरिया म्हणटात । थंयसार चर्वाक घेवन घेललीं. शेळ्यांक चर्वाक सडून, तीं खेळपाक गुल्ल आसताना आवचीत धर्तरेचें चित्र एके वेगळेच तरेन बदल्लें. भुर्ग्यांक दिसलें आतां घरा पर्तल्यार बरें म्हण आनी तीं दंगुरलेवेलीं देंवंक लागलीं. देंवताना एका पानानीं भरलल्या झाडाचे तेंक्षेर धविहफूल आंगसत्रां न्हेसलली एक असतरी ताणीं पळेली. तिचें रूप सुरियावन पर्जळीत आसलें. तिच्या आंगांतल्यान विवीद रंगाचीं किर्णां भायर सरून त्या भुर्ग्यांचे दळे दिपकवले. हे असतरेन त्या भुर्ग्यां लागीं मागलें फुडले सव म्हयने पासून दर म्हयन्याचे १३वेर त्या जाग्यार येवन आपली भेट घेवंक मागलें.
अशेतरेन मागिल्ल्या प्रमाण जून आनी जुलाय-चे १३वेर तीं थंयसर गेलीं आनी तिचें दर्शन तसोच संदेश घेतलो . तेर्स-रजार करुंक तिणें भुरग्यांक सांगलें. आगसत्याहे १३वेर मात तांकां थंयसर जावंक नां. कारण त्या दिसा विळा नवा दे अवरें हे नगर्पालिकिच्याध्योक्षान तांकां विचार-पाचार करुंक आपोवन व्हेली. हे नगरपालिके खाला फातिमा गांव पडटालो. भुरगीं कितें सांग्तालीं तें अधिकारी मानून घेना. हाका लागून ताणीं भुरग्यांक थंयसर वचना जावंक धमकी दिली, मार-पेट केलो, बंदखणींत घातलीं पूण देवावेलो भावार्थ ताणीं थिरायेन सांबाळ'लो. तांकां सोडल्या उपरांत आगसताचे १९वेर वालिन्हस म्हन्नल्या जाग्यार आपल्या शेळ्यांक चर्वाक घेवन गेल्लीं आसताना एका झाडाचे तेंगशेर आदलेच परीं सायबीण मांय हाजीर जाली.
सेप्तेंबराचे १३वेर अद्मासाक ३०,००० लक तांच्या सांगाता एकठांय जावन चवा दा इरिया गेलीं. थंयसर ताणीं तेर्स-रजार करतकस सायर्बीण मांय दिश्टी पडली. ह्या दिसा तिणें हाजीर आसलल्यांक आसो संदेश दिलो. “म्हाका जाय तुमी अतुबराचे १३वेर हांगासर आयिल्ली.तेर्स करपाचे बंद कर नाकात. ऑक्टोबरांत, जेजू, दुखेस्त सायबीण, चारं सायबीण आनी सांत जुजे बाळका जेजूक घेवन संवसाराचेर आशिर्वाद घालुंक येतलीं.”
ऑक्टोबराच्या १३वेर ७०,००० पिरायेर लका सांगाता भुरगीं सदांच्या जाग्यार एकठांय जावन तेर्स रोजार करतना सायबीण मांय आदलेच परीं दिश्टी पडली. आपूण रुजाय सायबीण म्हणन तिणें भुरग्यांक सांगलें. ह्या दिसा तिणें कांय संदेश भुरग्यांक दिले. चालू आसा तें विश्व झूज सोपतले. हिवूय खात्री तिणें भुरग्यांक दिली. इतल्यान सुरायचें व्हड विस्मीत ( मिराचले अफ थे सून ) घडलें. तिणें सुरिया वाटेन आपले हात उक्ते केले आनी तांतुंतल्यान दोळे दिपकावपी उजवाडाचीं किर्णां भायर सरलीं. थोडो वेळ सगळो वाठार शांत आनी अगेपणान उरल्या उपरांत परत सूऱ्या भायर सरलो. हे पावटी तो आकाशांतलो भायर सरन लकाचेर पडटा कसो दिसलो. सगळ्यांचेर कांपेरो सुटलो आनी भियेवन सगळीं दिमयेर पडून देवाकडे काकूट कर म्हण मागूंक लागलीं. मजगती भुरग्यांनी धवीं आंगसत्रां न्हेसलले एके अस्तुरेक आनी स्त. जुजे बाळका जेजूक घेवन आसललीं पळेलीं. ताणीं संवसाराचेर आशिर्वाद घातलो. त्या उपरांत ताणीं दुखेस्त सायबिणिचे कुशीक रावून जेजू संवसाराचेर आशिर्वाद घालता तो पळेलो. पावसाच्या उदकान लोकाच्या आंगार आशिल्ले कपडे भिजन आसले ते सामकें सुकलले लोकान पळेले.
२०१७ वर्सा, मायाचे १३वेर सायबीण मायंच्या पयल्या दिसण्याक १०० वर्साक भर्तात. फ्रान्सिसक जुन्हाचे ११वेर १९०८ वर्सा जल्मलो आनी एप्रिलाच्या ४तेर १९१९ वर्सा सोपलो. जाचिंता, मार्साचे ११वेर १९१० वर्सा जल्मलें आनी फेवरेराचेर २०वेर १९२० वर्सा सोपलें. तीं भुरगीच आसताना देवादीन जातलीं म्हण सायबीण मायन सांगिल्लो. तशेंच तिणें सांगिल्ले प्रमाण लुचिया एक लांब जिवीत जियेल्या उपरांत फेवरेराचे १३वेर २००५ वर्सा संपली. तिचो जलं मार्च म्हयन्याच्या २२वेर १९०७ वर्सा जालो. ती सोपल्या तेन्ना तिका ९७ वर्सां आसलीं.