फिरोजशहा मेहता

फिरोजशहा मेहता

फिरोजशहा मेरवंजी मेहता हांचो जल्म दि.4 ऑगस्त 1845 या दिसा मुंबय हांगा जालो. तांचे मुळावे शिक्षण मुंबयंत जाले. मुंबयच्या एल्फिन्स्टन कॉलेजांतल्या एम. ए. जातकच तो इंग्लडांक बॅरिस्टर जावपाखातीर गेलो. थंयच्या चार वर्सांच्या राबित्यांत ताचेर दादाभाई नौरोजीचो प्रभाव पडलो. तो बॅरिस्टर जावन 1868 त हिंदुस्थानांत आयलो आनी मुंबय हांगा ताणें वकिली सुरू केली. 1869या वर्सा ताणें दादाभाईच्या इस्ट इंडिया असोसिएशन मुंबयत सुरूं केलें. गोरया लोकांचे मिरासदारीआड ताणें प्रभावी विचार केलो. कितलेशेच प्रस्न हातांत घेवन ताणें वकीलीवांगडाच राश्ट्रीय जागूतायेचें काम केलें. 1878-80 ह्या तीन वर्सांत खबरापत्रांचेर चेपण हाडपी व्हन्यॅक्युलर प्रेस ऑक्ट आनी ब्रिटीश कापडाक बरी बाजारपेठ मेळची म्हूण आयातकरांतल्यान दिल्ली सूट, ह्यो दोन प्रस्नाचेर फिरोझशहा, आनी हेर राश्ट्रवाघानी गोरया लोकांआड प्रतिआंदोलन सुरू केलें. 1884-85 ह्या काळांत तो मुंबय महानगर पालिकेचो अध्यक्ष जालो. ह्याच पदाचेर 1905 या वर्सा तो परत वेंचून आयलो. 1886 ह्या वर्सा मुंबयच्या कायदेमंडळाचो तो वांगडी जालो. 1890त जाल्लया काँग्रेसच्या सव्या अधिवेशनाखातीर फिरोझशहा मेहताची अध्यक्ष म्हूण वेंचणूक जाली. 1892 या वर्सा इंपीरीअल कांउसिलचो वांगडी म्हूण ताची वेचणूक जाली. थेय ताणें शेतकारांची सावकारी पाशांतल्या मुत्की करपाखातीर कांय उपाय सुचयले. 1894त ताका ब्रिटीश सरकारान सी. आय. ई. हो भोवमान भेटलो. कर्झनच्या अध्यक्ष जालो. स्वदेशीच्या प्राचाराखातीर ताणें आनी तेलंगान स्वदेशी शाबू कारखानो सुरू केलो. सेंट्रल बँक ऑफ इंडिया स्थापन करपाक ताणें फुडाकार घेतलो. 1910या वर्सा ‘बाँबे क्रॉनिकल’ हें इंग्लीश भाशेंतलें पयलें राश्ट्रीय बसकेचें खबरांपत्र ताणें मुंबय सुरू केलें. दि. 5 नोव्हेंबर 1915 या दिसा तांका मरण आयलें.