फिलीप पेरेरा

फिलीप पेरेरा ह्यांचो जल्म 18 एप्रील 1937 वर्सा पणजी हांगा जालो. सेबास्तियांवपेरेराआनी रोजालिना रॉड्रिगीज हीं ताचीं आवय - बापूय. ताचो मूळ गांव कुट्ठाळे. ताचें भुरगेपण ताच्या दोगां भावां आनी भयणी बरोबर ताणें ह्याच गांवांत सारलें. ताचें लग्न जाल्या उपरांत तो चिंबेल रावपाक लागलो.

फिलीप पेरेरा जेन्ना स वर्सांचो आसताना ताका भाग फावो जालें. तें म्हणल्यार ताच्या शेजाऱ्याक सर्गेस्त लुईस रॉड हो म्हान तियात्रिस्त आपल्या घरांत येसायो मारतालो तो त्यो पळयतालो. फिलीप पेरेरा तांचे नाद आयकून आनी शिकून घेतालो आनी घरा पावल्या उपरांत आपूण गुणगुणायतालो.‘सितिदान पांयघाल रे जाकी’हो एक प्रसिध्द आनी लोकप्रिय सोलो जो सौजा फेरांवान रोचललो, तो ताका खूब आवडतालो.

कारमोनाकाम करता आसतना ताका जमनिवेलो खेळ नाचपाक संदी फावो जाली.हे जमनिवेले खेळ साश्टी वाठारांत खूब लोकप्रिय आसले.ते खेळ कारनिवाला वेळार आयोजीत जाताले. तो 18 वर्साचो आसलो तेन्ना ताका राय गांवांत फेस्ता दिसा तियात्रांत भाग घेवपाक मेळ्ळें. कारमोनाचो एन्टनी जो ताचो लागींचो इश्ट ताणें ताका ही संद फावो केली. विनोदी सोलो ‘आतांचे चेडे’हें कांतार ताणें गायलें तेन्ना ताका तीन पावटी परतून आपयलो.