बेर्टोल्ट ब्रॅख्त

बेर्टोल्ट ब्रॅख्त नामनेचो जर्मन नाटककार आनी कवी

वावर

1914 वर्सा सावन ताणें थळाव्या म्हयन्याळ्यांनी लिखाण करपाक सुरवात केली. 1917 वर्सा ताणंट म्युनीक विद्यापीठांतल्यान मॅट्रिक जातकच तो वैजकीचो अभ्यास करुंक लागलो आनी 1923 वर्सा ह्या नाटकाचे प्रयोगूय जाले. पयल्या म्हाझुजाच्या काळांत ऑग्सबर्गच्या सैनीकी हॉस्पीटलांत ‘ मॅडिकल ऑर्डर्ली ’ म्हणून ताणें वर्सभर काम केलें. हें काम करतानाच ताणें ‘ बी ल ’ (baal) हें पयलें नाटक बरयलें.

शिक्षण

हॉस्पीटलांतल्या ह्या कामा उपरांत ताणें परतून आपलो वैजकीचो अभ्यास सुरु केलो. पूण मजगतीं 1920 वर्सा ताणें पत्रकारितेचो वेवसाय आपणायलो. ‘ ट्रोमल इन डेअर नायट ’ (ड्रम्स इन द नायट – इंग्लीश अणकार) आनी ‘ इन डिकीश्ट डेअर ष्टेट ’ (इन द सिटीस जंगल्स – इं अणकार) हीं तांची सुरवेचीं नाटकां आसात. हातूंतल्या ‘ ड्रम्स इन द नायट ’ ह्या ताच्या नाटककार दर वर्सा बऱ्या नाटककाराक दितात तो क्सायस्ट पुरस्कार फावो जाला. ऑटो फाल्केनबर्गच्या आदारान ‘ इन द खॅम्प ’ (1923) रंगमाचयेर हाडलें. नाट्य – लिखाणा वांगडाच ताचें काव्य लिखाणूय चालूच आशिल्लें. गितां, पोवाडे, नी हेर काव्य प्रकारांतली ताची शैली सादी सोंपी आशिल्ल्यान ती नाटकांतूय देंवली. ‘ द बूक ऑफ फॅमीली डिवोशन ’ (1927) हो ताचो कविता झेलोय खूब गाजलो.

पुरस्कार

1924 वर्सा ब्रॅख्त बर्लीनाक आयलो आनी नामनेचो ऑस्ट्रीयन दिग्दर्शक माक्स रायलहार्ट हाचे नाट्यसंस्थेंत काम करुंक लागलो. ह्याच काळांत कामगार शाळेंत ताणें मार्क्सवादाचे धडे घेतले. ह्या काळांत ताणें ‘ मान ईस्ट मान ’ (मॅन इज मॅन – 1926) ‘ द बॅडेन कॅन्टाटा ऑफ अक्कीसन्स ’ (1929), ‘ डी ड्रायग्रोशन ओपेर. ’ थ्री पॅनी ऑरेरा ह्या नाटकान ब्रॅख्त हाका खूब नामना मेळोवन दिली.