भास्कर-२

भास्कर-२ (इ.स.चो १७ तो शेंकडो) एक महाराष्ट्रीय संशोधक. हो रघुनाथाचो शिश्य आशिल्लो. एकनाथान ज्ञानेश्र्वरीचें शुध्दीकरण करतकच फकत २६ वर्सांनी भास्करानूय तशेंच कार्य केलें. ताणें आपले संशोधीत ज्ञानेश्र्वरींत ४०० ओवयो जोडल्यो. ह्या अदीक ओवयांनी ताणें दंवाक प्रार्थना, गीतेचें व्हडपण आनी ज्ञानेश्र्वरीचो पाठ अशुध्द कित्याक जालो हाचीं कारणां दिल्यात. तो म्हण्टा श्रीकृष्णान उबारिल्ल्या ह्या गीतारुप प्रासादांत फकत व्युत्पन्न पंडितांकूच प्रवेश मेळटालो. देखून ज्ञानेश्र्वरान प्राकृतां खातीर त्या प्रसादामुखार हो मुक्तिमंडप उबारला.