भूंयवर्णन

भूंयवर्णन

दक्षीण यमनाचो झंडो

दक्षिण यॅमॅन चार भुगोलीक वाठारांनी पातळ्ळां १.दक्षिण दिकेकडलो वाठार दर्यादेगेच्या रुपांत १२०० किमी.लांब आनी १२-२५ किमी.रूंद आसा. २.सपाट सडयाचो वाठार (भितरली सुवात) ३.हद्रामाउंटचे उत्तरेक पातळिल्लें रेंवट ४.दोंगराळ आनी उंचायेच्या वाठारांत आशिल्लीं पाचवींचार देगणां.

उत्तर यॅमॅन भुगोलीक नदरेन वाठारांनी पातळ्ळां. १.उंचायेवयलो दोंगराळ वाठार आनी अशीर दर्यादेगेवयलो सपाट वाठार.

दक्षिण यॅमॅनांत तीन जुंवे आसात. १.कामारन हो जुंवो तांबडया दर्यांत आसा. (आवांठ १८१ चौ.किमी.) २.पेरीम (आवांट-३०० चौ.किमी.) ३.अरेबियन म्हासागरांत आशिल्लें सोकोत्रा (आवांट-३५०० चौ.किमी.)

उत्तर यॅमॅनांतल्या दोंगरांची सादारण उंचाय १२०० ते ३००० मी.आसा. जबलहदूर हें ह्या वाठारांतलें सगळ्यांत ऊंच तेमूक. (उंचायः ३७६० मी.). उत्तर यॅमॅनाचे उत्तर शिमेर रब् अल् खली हें रेंवट आसा.ह्या वाठारांतलें दर्यादेगेक टिहामटे एश-शाम म्हणून वळखतात. दर्यादेगेसावन ३२ ते ४८ किमी. रुंदायेच्या वाठारांतली भूंय नापीक आसा. उदेंतेकडल्यान वाठारांतूय नापीक भूंय आनी रेंवटां आसात.