मारसेलीनो नोरोन्हा

मारसेलीनो नोरोन्हा हो एक तियात्र कलाकार.

जल्म

ते बारथोलोमीयो नोरोन्हा आनी सेवेरीना डीसोजा हांका 2 में 1945 ह्या दीसा पारशांत जल्मलो.

शिक्षण

हाच्या उपरांत 12 वर्साचे पिरायेर इंग्लीश शिकपाक तांका सेंट फ्रांसीस झेवीयर स्कुल, शिवोली हांगां घातले. तरणें पिरायेर ताणें स्कुलाच्या कार्यावळीनी भाग घेवपाक सुरवात केली. ताणें आपलें 5वी मेरेनचें शिकप शिवोलेंत केलें आनी उपरांत जनता हाय स्कुल म्हापसांत आपलें 10वी मेरेनचें शिकप पुराय केलें.

वावर

1967हया वर्सा कॉपेलाच्या फेस्ताक क्रुज-ब्रिटनाचो तियात्र हाडिल्लो. हांका दोन सोलो कांतारां म्हणपाची संद मेळळी. हातुंतलें एक कांतार जाचें नांव घांटी ह्या कांताराक लागुन ताका 6 पावटीं परतुन म्हणपाक सांगले. ह्या उपरांत ह्या तियात्रांत ताका सुरवातेचें कांतार म्हणपाक मेळ्ळें. तो बेतीं रावतालो म्हणुन लोकांक दिसलें कि तो मुळांत बेतीं बार्देसचो. हाकाच लागून लोकांनी ताका तियात्राच्या माचयेर मारसेलीनो दे बेतीं हें नांव दिलें. पुण तो मुळांत बेतींचो न्हय.

1968 ह्या वर्सा ताणें आपणें तियात्र बरयलो जाचें नांव ‘हें नोशीब म्होजें’ हो तियात्र ताणें कॉपेलाच्या फेस्ताक बरयलो. ह्याच वर्सा ताणें आनीक एक तियात्र प्रगती हाय स्कुल वेरें हांच्या आदारान माचयेर हाडलो,जाचें नांव ‘रोगताचे थेंब’.ह्या तियात्राक लागुन तो आक्या बार्देज तालुक्यांत फामात जालो. 1969 ह्या वर्सा त्री कींगसाच्या फेस्ताक रेस मागोस, वेरें, बारदेज. हांगा म्हणपाक ताणें एक कांतार बरयलें. लेट. एम डोडस हांच्या‘गोंयची माती’ तियात्रांत गायलें. त्या कांताराचें नांव ’झोंतीरवाला’. बारदेज, पेडणें, वेंगुर्ला, मालवण आनी सावंतवाडीत कोंकणी तियात्राच्या मोग्यां मदीं हें कांतार खुब फामाद जालें. ह्या काळार ताणें कांतारांचे सर्तींत वांटों घेतलो आनीं साबार इनामां मेळयली.

1973 ह्या वर्सा म्हापशेंचो ताचो इश्ट एम. आर फर्नांडीस हाणें ताका तियात्रिस्त आनी दिग्दर्शकप्रेम कुमार हाची भेट केली आनी प्रेम कुमारांन ताका आपल्या तियात्रांत वांटो दिलो. जाचें नांव ‘जीवीत एक सोपोंन’ ह्या तियात्रांत ताणें एक कांतांर म्हुटलें जाचें नांव ‘पॅराशूट’. हें ताचें कांतार खूब फामाद जालें आनी तियात्राच्या वडिलानीं ताका मानुन घेतलो. ताचें पयलेंच काम तियात्रीस्त फिलोमेना ब्राज हांच्या तियात्रांत जालें. तिटा प्रिटो हांच्या सांगाताक ताणें डूवो म्हटलें आनीं हें तांचें कांतार जायत्या लोकांनी वाकाणलें.

ताच्या जिवीतांत ताणें जायत्या कलाकारा सकयल काम केलां. सुरवातेकच सी आलवारीस, कीड बॉक्सर, ज्युनीयर रोड, रोंम टॉनी, रेमी कुलासो, वीलमीक्स शेरोंन, अनील-फातीमां, सीरील आलमेडा, आलफर्ड रोस, ज्यो रोस, ज्यासींतो वाज, एरेस्तीदेस डायस, टोनी साकस, तोमाझीनो कारदोसो, एम. बॉयर, सेजा पाय, टीयो कुहस, मीनी मारीयो, फावस्तो डाकोस्ता, झेमीकस ट्रियो, फादर. फ्रॅडी द कोस्ता, फादर प्लांटन फारीया, टोनी मारटीन्स, एंथनी सांन, मीनीनो दे बांदार, एच. ब्रिटंन, नेलसंन आफोंसो, ज्युनीयर नेलसंन, मारीयांन फर्नांनडीस, कोमेडीयंन डोमनीक, आदी. एम बॉयर आनी ज्यासींतवाज हांच्या सांगाताक ताणें एका दिसाक 6 तियात्र केले. तरीय पुण 7वो तियात्र करपाक तांका मेळूंक नां कारण तांका रायबांदारची फेरी चुकली.

तो भारतांत जायत्या सुवातांनी भोंवलां.मुंबय, पुणे, कानारा, तशेंच परदेशांतूय पावला. तशेंच ताणें दुबय आनी कुवेटातल्या तियात्रिस्ता वांगडा जशें मारकुस वाज, डोनल्डआनी आलेशीनो दे कांदोलींम काम केला.

कोंकणी माचयेर ताणें साबार कार्यावळींनी वांटो घेतला. ह्या पासत ताचो जय जय कार जाला. 2012-13 वर्सां तियात्रा खातीर राज्य संस्कुतीक पुरस्कार मेळ्ळा.

पुरस्कार

2006 ह्या वर्सा जुझे फिलीप डी सोजा हाणें ताच्या जल्मदिसाक ताचो सत्कार केलो. तो आपल्या तियात्र मोग्यांक चड देव बरें करुं म्हणटा कारण तांच्यांनी ताका फामाद केलो. आनी आपल्या घरच्यांक बरें मागता कारण इतली वर्सा तांच्यांनी ताका आदार आनी प्रोतसाहान दिलें.