मिनाक्षी शिरोडकार

मीनाक्षी शिरोडकार ही एक चित्रपटांत काम करपी नायिका आशिल्ली.

जल्म

रतन पेडणेकार (मिनाक्षीचें आवयगेलें नांव).हांचो जल्म 11 ऑक्टोबर 1916 ह्या दिसा जालो.

शिक्षण

ताचें संगीत शिक्षण ल्हानपणासावनच जालें.

संवसारीक जीण

पिरायेच्या विसाव्या वर्सा ताचें लग्न डॉ.शिरोडकार हांचे लागी जालें. तांका एक पूत जालो.

वावर

1935 सांत मिनाक्षीन ऑल इंडिया रेडियोचेर गावपाक सुरवात केली. पूण ताका चित्रपटांतली संद लग्न जाले उपरांत मेळ्ळी. डॉ.शिरोडकार हांचो इश्ट आनी हंस पिक्चर्सांतलो एक भागीदार पांडुरंग नाईक हाणी ही संद मिनाक्षीक दिली. पूण ती तेन्ना चित्रपटांत काम करपाक तयार नासली. तरी नाईक हाणी डॉ.शिरोडकार हांका मनयले आनी घोवाच्या आगऱ्याखातीर मिनाक्षीन पयलो चित्रपट स्विकारलो.

हो चित्रपट आसलो मास्टर विनायक हांचो ‘ब्रह्मचारी’ (1938). रतन हें ताचें नांव आचार्य अत्रे हाणी बदल्लें आनी मीनाक्षी दवरलें. तेन्नाच्यान मीनाक्षी हेंच नांव प्रसिध्द जालें.ज्या वेळार बायलां चित्रपटांत काम करपाक फाटीं फुडें जातालीं त्या वेळार मीनाक्षीन उखल्लेलें अत्यंत धाडसी पावल म्हळ्यार बिकिनी घालून स्वताचेर गाणें चित्रीत केलें. ‘यमुनाजळीं खेळीं खेळ कन्हैय्या का लाजता ‘? हेंच ते फामाद गीत.

नाती

मीनाक्षी शिरोडकार हांच्यो नाती म्हळ्यार शिल्पा शिरोडकार आनी नम्रता शिरोडकार हांणीय आजये फाटल्यान चित्रपट क्षेत्रांत प्रवेश केलो आनी नांव मेळयलें.

मरण

3 जून 1997 ह्या दिसा मीनाक्षी शिरोडकार हो संवसार सोडून गेली