म्होंवाचो गुणो

सत्तरी म्हाल हो पाचव्याचार झाडांनी भरिल्लो आसा तशेंच हांगाचे दोंगर ताची सुंदरताय वाडयतात. ह्या म्हालांत जायत्यो पर्यटक सुवातो आसात देखीक भिरोंडा फार्म - भिरोंडा, रिस्ट्रीक फार्म - गोळावली, पावसादिसांनी सैमान दिल्ली देणगी म्हळ्यार वझरे. फामाद वझरे - हिवरें, नानोडा, ब्रह्म करमळी, सालेली, म्होंवाचो गुणो आदी. तशेंच वोटर राफटींग - उस्तें ह्या गांवात जाता. जांका शितळ वारें आनी शांतताय जाय ताणें सत्तरी सारक्या म्हालांत मुजरत वचचें. ज्या सुवातेर चड पर्यटक येतात ती सुवात म्हळ्यार म्होंवाचो गुणो ही सुवात गोंयच्या सत्तरीं म्हालांतल्या सोनाळ ह्या गांवांत आसा.हो जागो सैमीक नदरेन खुबूच सुंदर आनी ओडलायणो आसा. ह्या थळार मोठ्या प्रमाणांत पिकनीको येतात.मात पावसादिसांनी म्हादयक उदक भरता देखून वचपाक मेळना नाजाल्यार पर्यटकांची गर्दी चालूच आसता. ह्या वाठांरांत आलत़डी सपाट जाग्यार दाट रूखावळ आसा जाल्यार तडीर रेंवेचे उंचवटे आसात तशेंच चाळचे सुळसुळीत फातर. हया चाळच्या फातरावेल्यान खळखळत उदक व्हांवता आनी सकयल मोठे मोठे काळे गुंड्याची खडपाची रास. म्होंवाच्या मुसांक लागून ते कोंडी कडेन वचपाचे कोण धाडस करना.

इतिहास

गोंचये पयले मुख्यमंत्री सर्गेस्त भाउसाहेब बांदोडकारांचें हे आवडटे थळ आशिल्ले. भाउ वर्साक एक फावट तरी ह्या सुवातेर आपल्या कार्यकर्त्या वांगडा येताले. राजकीय चर्चा करताले.तशेंच वेगळे कार्यक्रम जाताले अशें थळावे लोक सांगतात. गोंयचेर जायत्या जाणांनी राज्य केला देखीक पुर्तूगीज, मराठा, अदिलशाह आदी. आनी ताचो इतिहास बरोच व्हड आसा. जशे दर एके सुवातेचे खाशेलेपण आसता तेचभशेन ताचो इतिहास आसता. म्होंवाचो गुणो हाकाय इतिहास आसा जो कोणाक खबर ना. पर्यटक येतात न्हातात, मजा करतात आनी वतात. ह्या सुवातेक म्होंवाचो गुणो कित्याक म्हणटात हे खबर आसतले पूण हांगा घडिल्ली इतिहासीक घडणूक कोणाक खबर आसचीना.

आख्यायीका

अशें म्हणटात हांगासर जे मस्ती करून म्हळ्यार सोरो पिवन मस्ती करतात तांचेर भूत बसता कारण हांगासर जायते जाण जांका पेवपाक येना आनी जे सोरो पीवन उदकात देंवतात ते बुडून मरतात. हालीच घडिल्ली गजाल तीय बी म्हज्या एका लागीच्या इश्टा बरोबर जेवतना एक सुणो आयलो ह्या भुरग्यांनी ताका आपयलो आनी ताचेर फातर शेवटीले. अशे दो तीन फावट केले. मजा करून जेन्ना हे घरा गेले तेन्ना त्याच भुरग्याक कोण तरी म्होंवाच्या गुण्यार आपयता सो भास जावपाक लागलो. ताका कोण तरी ओडून व्हरताशे दिसपाक लागले.राती न्हिदिल्लेकडेन कोणेतरी ताका उठयलो आनी घरा भायर व्हेलो ताका मात लेगीत साबुद्दी नासली. सगल्या इश्टानी ताका त्या गुण्यार व्हेलो आनी देवाक गाराणी घालून केळी दवरली आनी चूक मागली तेन्ना तो भुरगो सारके जाला.

नावाचो उगम

हाका म्होंवाचो गुणो म्हणटात कारण हांगा न्हंये पलतडी आशिल्ल्या व्हडल्या गुण्याक ( ‍‍‍‍‍‍‍‍‍‍‍‍‍‍‌‌‍‌‍‍‍‍‌खडपाक ) कोनगे म्होंव लागता.त्या गुड्यांक लोंबकळपी असंख्य कोनग्या म्होंवाचेयो पोळ्यो आसातात आनी ह्या खडपा सकयल कोंड आसा म्हळ्यार जय खोल आनी खूब उदक आसता.म्होंवाच्या मुसांक लागून ते कोंडी कडेन वचपाचे कोण धाडस करना.सगळे जाण भितात हाका आनी एक कारण म्हळ्यार हे कोंडीत आयजवेर जायतेजाण लोक बुडून मेल्यात. ताका लागून म्होंवाचो गुणो हें नांव पडलें.

पर्यटन स्थळ

हो गुणो म्हादय न्हंयेच्या देगेर आशिल्ल्यान हांगा जायतें पर्यटक न्हांवपाक येतात. आनी हे स्थळ न्हांवपाखातीर चड फामाद आसा.

संदर्भ

म्हादय काळजांतल्यान कागदार - प्रकाश पर्येकार.