रतन टाटा

रतन नवल टाटा हे भारतांतले सगऴ्यांत व्हड उद्देग समुहाचे अध्यक्ष आसात.

जल्म

रतन नवल टाटा हांचो जल्म सूरत हांगासर 28 डिसेंबर 1937 ह्या दिसा जालो.

वावर

रतन टाटा हे भारतांतले सगऴ्यांत व्हड उद्देग समुहाचे अध्यक्ष आसात.हो उद्देग समुह जमशेदजी टाटा हांणी स्थापन केल्लो. तांच्या फुडल्या पिऴग्यांनी हो धंदो आनी उद्देग साबार आंगानी वाडायलो. 1971 वर्सा रतनजीक टाटाच्या राष्ट्रीय रेडियो आनी इलेक्ट्रोनीक्स (नल्को) चो डायरेक्टर इन चार्ज म्हूण नेमणूक केली. त्यावेळार ही आर्थिक संकटांत आशिल्ली आनी सामकी बुडूंक पाविल्ली. रतन टाटान तेन्ना सल्लो दिलो की कन्झुमर इलेक्ट्रोनीक्सा परस कंपनी जर हाय इंड्सट्रियल इलेक्ट्रोनीक्साच्या निर्मिती कडेन वळत जाल्यार बरें जातलें. कारण त्या वेळार कंपनीचो मार्केटातलो हिस्सो 2% आनी लुकसाण 20 % आसले. साबार वर्सा समभागधारांक बोनस, लाभांश दिवंक नाशिल्लो. जेरडीक कंपनीन आपले निर्मिती क्षेत्र बदलप आवडूंक ना. तरीय बी तांणी रतनांक तेंको दिलो. तीन वर्सा भितर रतनान कंपनीचो मार्केटातलोहिस्सो 20 टक्कया वयर व्हलो आनी जाल्ले लुकसाण भरून काडले. आणिबाणी लागू जाले उपऱांत आयिल्लया मंदितल्यानूय कंपनी वयर सरली. ही कामगिरी पळोवन रतना कडेन ऐम्प्रेस मिल्साचो ताबो दिलो, ही कंपनीय बी रतनान फायघांत हाडली.