रामकृष्ण हेगडे

रामकृष्ण हेगडे हो सुटके झुजारी आशिल्लो.

जल्म

तांचो जल्म 29 एप्रील 1912 हया दिसा मडगांवांत जालो.भारताचेर ब्रिटिशांनी देडशें वर्सां राज्य केलें आनी गोंयचेर पुर्तुगेजांनी साडे चारशें वर्सां शेक गाजयलो. पुर्तुगेजांचो शेक नानपयत करचे पासत आनी गोंय स्वतंत्र करचे पासत खूब जाण झुजले. तातुंतलेच एक जावन आसात नामनेचे सुटके झुजारी डॉ. रामकृषण हेगडे.

वावर

भुरगेपणांसावन समाजीक, राजकी चळवळींनी सक्रीय वांटो घेवपी रामकृष्णान वैजकी वेवसाय करता आसतनाच कुंकळेची कु. गावड देसाय हे चलयेचें अपहरण करून तिका बळयां धर्मांतरीत करपाचें प्रकरण तांच्या कानार पडलें आनी तांणी ताचे आड आवाज काडलो.पुराय गोंयभर कु. गावड देसाय प्रकरण गाजलें. त्यावेळार ते संघटन समितीचे एक संघटक आशिल्ले. उपरांत ते गोमंतक काँग्रेसचे वांगडी जाले. 19 जून 1946 सावन तांणी सविनय कायदेभंगाचे चळवळींत वांटो घेतलो. 17 आनी 18 ऑगस्ट 1946 त लोंडया जाल्लया अधिवेशनांत ते नॅशनल काँग्रेस गोवा हे संस्थेचे पयले अध्यक्ष म्हूण वेंचून आयले.

ख्यास्तिचें फर्माण

18 ऑक्टोबर 1946 ह्या दिसा तांणी मडगांव सत्याग्रह केलो. ते खातीर तांकां सरकारा आड लोकांक तिडावन घालता, खुबळायता, परकी सत्तेचो शेवट करपाचो हेत बाळगिता, तशेंच आपले निशाणेचीं पत्रकां वांट्टा म्हूण पुर्तुगेज सरकारान अटक केली आनी आग्वाद बंदखणींत दवरले. उपरांत 5 डिसेंबराक 1946 ह्या दिसा लश्करी न्यायालयान तांकां आठ वर्सां खातीर ख्यास्त फर्मायली, आनी तांकां 14 डिसेंबर 1946 ह्या दिसा लक्ष्मीकांत भेंब्रे, पुरूषोत्तम काकोडकार आनी जुजे इनासियो दी लोयोला वांगडा बार्थोलोमिओ डायस हे बोटीन पुर्तुगालाक धाडले. 5 जानेवारी 1947 ह्या दिसा ते थंय पावले. उपरांत तांकां लिमोयरास , काशिआस तशेंच पेनीचे बंदखणींत दवरलें. 7 डिसेंबर 1950 त तांकां 1951-52 ह्या काळांत आपले नदरेखाला दवरलें. पुर्तुगालाच्या राबित्यांत तांणी वैजकी प्रचाराक म्हूण काम केलें. ते भायर खाजगी शिकवणी दिल्यो. पूण परत तांकां 1955 त पुरूषोत्तम काकोडकारां वांगडा अटक करून दोन म्हयने बंदखणींत घाल्ले. पुलिसिय इनतेर्नाल पर देफेझ दु. इश्ताद च्या कार्यालयाक दिसपट्टे अहवाल तांणी दिलो असो तांचेर आरोप दवरपांत आयलो. इतले मजगतीं इंगलंडाक वचपाचो तांकां पासपोर्ट मेळ्ळो. आनी आपली पुर्तुगेज घरकान्न मारिया आमेलिया आनी पुरूषोत्तम काकोडकारा वांगडा ते इंग्लंडांत गेले. थंयच्यान ते लंडनचे वाटेन 17 मे 1956 ह्या दिसा मुंबय परतले.

हेर वावर

मुंबयत तांणी आपलो दवाखानो सुरू केलो आनी परत राजकी चळवळींकय यत्न केलो. 2 ते 4 ऑक्टोबर 1959 त तांणी नॅशनल काँर्गेस गोवाच् प्रतिनिधींची गोंय राजकी परिशद घडोवन हाडली . 1961 त ते नॅशनल काँग्रेस गोवाचे अस्थायी समितीचेर जाली. ही समिती गोंयचे प्रस्न आनी आडखळींचो अभ्यास करपाखातीर नेमिल्ली. उपरांत ते इंडियन नॅशनल काँग्रेसीचे क्रियाशील फुडारी जाले. 1977 ते पुर्तुगालाक भारतीय नागरीक म्हणून रावपाक गेले.