रामनाथ – (2)

रामनाथ (इ. स. 1864-1930) एक राजस्थानी भक्तकवी. हो बुंदी हांगा रावपी. ताच्या बापायचें नांव रावगुलाबाजी आशिल्लें. हो बहुश्रृत, विद्वान आनी व्रजाभाशेचो पाटांगडो कवी आशिल्लो. ताणें समस्यासार, सतीचरित्र, राजनीती, नितीसार, शंभशतक, परमेश्र्वराश्टाक, गणेशाश्टक, सूर्याश्टक, दुर्गाश्टक, शिवाश्टक, नीतिशतक आदी इकरा ल्हान व्हड ग्रंथ रचल्यात. तातूंत मुखेलपणान भक्तिगीतांच आसून तांची रचना सरळ आनी सोबीत अशी आसा. ह्या कवितांनी चड करुन बोध दिवपी वचनां आसात.