रुडॉल्फ डिझेल
रुडॉल्फ ख्रिश्चन क्रार्ल डिझेल हांचो जल्म 18 मार्च 1858 या दिसा पॅरीस हांगा जालो. ताजे कुटुंब पयली ऑग्सबर्ग बाव्हेरिया हांगा रावतालो. ताजो बापूय थिओडर डिझेल हो पुस्तक बाइंडिगचे काम करतालो. मागीर हे कुटुंब 1848 या वर्सा पॅरिस शारांत ताजो बापायन चामड्याच्या वस्तू विकपाचो कारखानो घालो. फ्रेंकोपृशियन युद्द जाल्याकारणान तांका 1870 या वर्सा तांका पॅरिस सोडून लंडन हांगा वचचे पडलें. रुडॉल्फाच्या आवयन तो बारा वर्साचो आसताना ताका ताज्या चुलत्याकडेन ऑग्सबर्ग हांगा गणित शिकपाक धाडलो. पूण रुडॉल्फाक इंजिनिअर जावपाचो आसलें. तशें ताणे आवय बापायक पत्र बरोवन कळित केलें. पूण आवय बापायखातीर ताणे सगल्या विशयांत पयलो येत शिक्षण पुराय केलें. ताका मेळिल्ली रॉयल बाव्हेरिअन पॉलिटेक्निक ऑफ म्युनिच् हांगासल्ली शिष्यवत्ती मात ताणे आवयबापायच्या मर्जीविरुद्द घेतली आनी तो इंजिनिअरकी शिकपाक लागलो. 1880 या वर्सा सगल्यान चड गुण मेळवन रुडॉल्फ स्नातक जालो आनी पॅरिसाक परत आयलो. ताणे बरेच सोद लायले. जर्मनी आनी पॅरिसान या सोदांचो पेटंट ताणे आपल्या नावार केले. डीझेल इंजिन हे अंतर्गत स्फोटक इंजिन आसा. हे इंधन पेट्रोल या इंधनाच्या अतिज्वलनशीलतेंक पर्याय म्हूण वापरलें वता. रुडॉल्फ डीझेल हाणी कोळश्याच्या भुकटीचो इंजिनाचो रचना केली. त्याच वेळार ताची तातूंत भुईमुगाचो तेल वापरून यशस्वी प्रयोग केलो. ताणे वाफेचो वापर करून येक इंजिन तयार केलें. तातूंत अमोनिया व्हेपर वापरून ताजी चाचणी घेत आसताना ते इंजिन फुटलें. रुडॉल्फ मरतां मरतां वाटावलो. खूब म्हयने हॉस्पिटलांत रावचें पडलें. आरोग्याचेर आनी खास करुन दोळ्याचेर वायट परिणाम जालो. मागीर ताणे कार्नोट सायकलचेर आधारित इंजिन तयार केलें. तातूंत फुडे वचून अनेक बदल जाले. पूण आजूनूय बी ते इंजिन डिझेल इंजिन म्हूण वळखलें वता. दि. 29 सप्टेंबर 1913 या दिसा बोटीने लंडन वता आसताना राती जेवण घेवन रुडॉल्फ केबिनाकडेन गेलो तो ताज्याउपरांत कोणाकूच मेळ्ळो ना. 10 दिसाउपरांत नॉर्वेच्या कडेक येका डच जहाजाक ताजे मढें मेळ्ळे, जे वळखूपाच्या स्थितींत नासलें. पाकीट आनी हेर गजाली चल्यान वळखल्यो.
