रेमेडीयस कुलासो.

रेमेडीयस कुलासो

जल्म

ताच्या बापायचें नांव जॉन एस. कुलासो आनी आवयचें नांव कार्मेलीना कुलासो हांकां 19 सपटेंबर 1925 ह्या दिसा जल्मले.

शिक्षण

रेमेडीयस कुलासो हो 85 वर्सांचो कोंकणी माचये वयलो महापुरुष बेपक्वीगाल, कुडचडेंह्या गांवांतल्यान आयिल्लो. ताणें आपलें मुळावें शिकप कोंकणींत थळाव्या इगर्जेच्या शाळेंत केलें. थयंच ते डायगो रोड्रीगीस हांच्या मार्गदर्शना खाला संगीत शिकले. ते तियात्राचे माचयेर एक अश्टपैलू कलाकार, गायक, दिग्दर्शक, निर्मातो आनी बरोवपी म्हूण फामाद जाले.

वावर

रेमी कुलासोन पयलोच अभिनय सिवरीच्या जॉली बॉयज पंगडाक मेळ्ळ्या उपरांत तांचो तियात्र 'बागेंतलो मोग' हातूंत ताणें बायलेचें पात्र सोबयलें. तांचेर धोबीतलावाच्या एडवर्ड आल्मेदा ह्या फामाद तियात्रिस्ताची नदर पडली.

तांणी खूब तियात्र बरयल्यात आनी दिग्दर्शीत केल्यात.तांच्या तियात्रांची तियात्र मोग्यांनी खूब तोखणाय केल्या. ताणीं बरयिल्ले आनी दिग्दर्शीत केल्ले कांय तियात्र म्हणल्यार'सातवो साक्रामेंत', 'सूख तारवोट्यांचे', 'भावपणांचो कायदो', 'चोवतो मानामेंत', 'आतां कोण सुखी', 'दोन काळजां', 'कित्याक उपकारलें', 'घोराचें सूख', 'म्होजो कुन्याद' आनी 'ओस्तोऱ्यांचो मोग'.

कांय तियात्र जांतुत ताणी आपले पात्र खुब जबरदस्त दिलां ते म्हणल्यार 'भागींतलो मोग', 'चिंतना जाली सोपना', 'केदना उदेतलो दिस', 'सायबीणीच्यो सात दुखी', 'एकुच रोस्तै', 'उठ गोंयकारा', आदी.

वयर सांगिल्ल्या तियात्रांनी अभिनय आनी त्या बरोबर कांतारा गावन तो तियात्राच्या माचयेर एक बरो कांतारीस्त जालो. तो आपल्या संस्कार दिवपी कांतारां पासत फामाद आसा. तांचें फामाद कांतार 'आंकवार मोरयेचें दुख' हें ऑल इंडिया रेडियोचेर पुर्तुगेज काळा वयलें सगल्यां परस बरें कांतार म्हूण विचून काडलें.

रेमी कुलासोन फक्त तियात्र बरोवन, दिग्दर्शीत, अभिनय आनी कांतारां म्हुणून न्हय तर तियात्राक सोब सारकी माचयेची बरीसजावट करपी नामना मेळयल्या.

रेमी कुलासोचे कांय ग्रामाफोन रिकॉर्ड आसा जशे की 'आंकवार मोरयेचें दुख', 'मांय सुन', 'बोरी फुलां', 'भाव भाव', 'मोग उतोर अपुरबायेचें'. ताणीं'घराचें सूख ह्या नांवांची कॅसेट काडल्या.

ताणीं आपले तियात्र इस्ट आफ्रीका आनी गल्फाच्या देसांनी सादर केल्ल्यात. कोंकणीचे उदरगतीपासत तांकां जायते पुरस्कार लाबल्यात. गोंय कोंकणी अकादमीन तांच्यो दोन एकांकीका उजवाडाक हाडल्यात, 'घराचे सुख' आनी 'आतांचो तेंप'.

पुरस्कार

तांकां हे पुरस्कार लाबल्यात: कोंकणी सातोळें सायन टायम्ज आनी कोंकणी म्हयण्याळें गुलाब. तांकां 1991 ह्या वर्सा गोंय राज्य सांस्कृतीक पुरस्कार फावो जाला. तांका दालगादो कोंकणी अकादमीचो प्रेस्टिजस दालगादो पुरस्कार फावो जाला.