रोकी आंतोनियो डायस

रोकी आंतोनियो डायस हो एक तियात्रीस्त.

जल्म

रोकी डायस हांचो जल्म 1952, बार्देझ तालुक्यांतल्या बास्तोरा गांवात जालो.

वावर

ताच्या तियात्राच्या जिवीताचो प्रवास 1963 ह्या वर्सा बोमोयकान – जाचो लेखक जो पेरी हांच्या तियात्रांत जालो. पयली ताणीं हळदोणा जमनीवयल्या खेळांनी आनी कलंगूटच्या जागरांनी आपली कला दाखयली.1961 ते 2018 हया वर्सांनी ताणें 102 तियात्र दिग्दर्शकांबरोबर अभिनय केले जशें की सी.आल्वारीस, आल्फ्रेड रोझ,प्रेम कुमार, जासिंतो वाज, एरिस्टायडस डायस, लिगोरयो फेर्नांदीस, रोसारयो डायेस, प्रेमानंद सांगोडकार, जॉ रोझ, अनील कुमार, सी.दिसिल्वा, सेम्यएल कार्वालो, फा.फ्लँन्थन फारिया, रॉबीन वाझ, ऍम बोयर. अभिनय करून लेगीत ताणें तियात्र बरयल्यात आनी माचयेर सादर केल्यात जशें की ‘केन्ना पूण सांपोडटलो’(1970), ‘जुरामेंत’ (1973), ‘हांव एकलोच’ (1974), ‘तुका लागोन’(1977), ‘चेडो आनी चेडूं’ (1979), ‘गोवाय ना’(1984), ‘तूं म्होज्या जिवितांत एक नागीन’ (2001).

ताचे कडेन आपल्यो 6 ओडियो कॅसेट आनी डी.वी.डी आसा जशें की ‘उगडास फलोरयन वाझाचो’(1987), ‘रोख स्टार’ (1988), ‘म्हाका नीत जाय’ (1991), ‘जायनाका फोटकिरो’ (2001), ‘फलोरयन वाझ पयलो मातियेर’ वी.सी.डी (2010), ‘तुमचो उपकारी हांव’ (2014). ताणें गोंयभर संगीताचे कार्यक्रम प्रदर्शीत केल्यात. तो आयज पासून तितलेच उमेदीन तियात्रांत अभिनय करता आनी गितां लेगीत गायता.

पुरस्कार

कला अकादेमीन आयोजीत केल्ल्या तियात्राचे सर्तींत तो सदांच वांटेकार आसलो आनी ताका जायतीं इनामां फावो जाल्यांत.