लॉरॅन्स स्पेलमन रॉकफॅलर

लॉरॅन्स स्पेलमन रॉकफॅलर (जल्म - 26 मे 1910 न्यूयॉर्क) जॉन डी. तिसरो हाचो पूत. ताणें प्रिन्सटन विद्यापिठांतल्यान तत्वगिन्यानाची पदवी मेळयली (1932). ताणें 1938 वर्सा इस्टर्न अँरलायन्स ही विमान कंपनी स्थापन केली. दुसऱ्या महाझुजाच्या काळांत तो अमेरिकन नौदलांत आशिल्लो. ताणें हॉटेल वेवसाय, अण्वीक उपकरणां आनी संगणक ह्या उद्देगांनी गुंतवणूक केल्ली. हाचेभायर जायत्यो पर्यावरणाविशींच्यो समित्यो, आयोग, संस्था, जायतीं प्रतिश्ठानां, धर्मादाय संस्था हांच्या अध्यक्ष, उपाध्यक्ष, सल्लागार अशा वेगवेगळ्या पदांचेर ताणें काम केलें. 1973 वर्सा सावन तो रीडर्स डायजेस्ट असोसिएशनचो संचालक आशिल्लो. रॉकफॅलर ब्रदर्स फंड हे संस्थेचो पयलीं उपाध्यक्ष म्हणून आनी उपरांत अध्यक्ष म्हणून ताणें काम पळयलें.

लॉरॅन्स स्पेलमन रॉकफॅलर (दाव)

संदर्भ बदल