विष्णूबुवा जोग

वीष्णूबुवा नरसिंह जोग हे महाराष्ट्रांतले वारकरी संप्रदायाचें कार्य पद्दतशीरपणान फुडें व्हरपाचो यत्न करपी संतपुरूष आशिल्ले.ते विष्णूबुवा जोग म्हूण सगल्यांक वळखीचे आशिल्ले.ते आळंदीतल्या वारकरी शिक्षण संस्थेचे संस्थापक,किर्तनकार,प्रवचनकीर आनी लेखक आसले.विष्णूपंत जोग हे निस्वार्थी आसले.ते लोकमान्य टिळक हांचे वांगडी आनी बरे मागपी आसली.स्वदेशी वस्तू वापरताले आनी टिळक हांकां यथाशक्त मजत करताले.विष्णूबुवांचे जल्म पुण्यांत जालो.ते पुण्यांतल्या नगरकर तालमीचे वस्ताद आसले.विष्णूबुवा जोगमहाराज हे वारकरी संप्रदायाचे प्रवर्तक आसले.मराठी संतवाड्मयाचे जायते ग्रंथ तांणी टिपा-प्रस्तावनां-अन्वयार्थ लावन उजवाडायलें.तातुंतले तातुंत शुद्द आवृ-ती तयार करपाचो यत्न केले. जे प्रक्षिप्त अभंग आशिल्ले तांकां कडेन काडून शुद्द प्रत तयार केली.संतांनी बरोवंक नाशिल्लीं पदां आसलीं तीं कडेन काडलीं.त्या वेळा वयलो तांचो सादर्भ घेवन संतांक कितें म्हणपाचें आसा हाचो वेवस्थीत अर्थ तांणी लावन दिलो.हे तांचे कार्य खूब मोलादीक आसा.गावांगावांत भोंवून किर्तनां-प्रवचनां दिलीं आनी आपले म्होवाळ वाणीन अस्सल देशी वाड्मयाचो प्रचार आनी प्रसार केलो. भजनां,ज्ञानेश्वरी आनी तुकारामाची गाथा हांचीं पारायणां,पंढरीची वारी हो जोगबुवांचो दीसपट्टो क्रम आशिल्लो.विष्णूबुवा शिस्तबद्द वारकरी आसले.आचरण विशुध्द,सत्यप्रियता,देशभक्ती अशा अनेक गुणांनी जोगमहाराजांक समाजांत मान,प्रतिश्टा मेळ्ळी.

"https://gom.wikipedia.org/w/index.php?title=विष्णूबुवा_जोग&oldid=202359" चे कडल्यान परतून मेळयलें