वि.स.पागे

वि.स.पागे

जल्म

विठ्ठल सखाराम पागे हांचो जल्म 21 जुलय 1910 दिसा बागणी (ता. वाळवा, जि. सांगली) हे सुवातेर जालो.

शिक्षण

मुळावें शिकप तासगांवां घेवन 5 वर्सानी ते सातवे यतेंत पयले आयले. विलिंग्डन महाविधालयांतल्यान तांणी संस्कत विषयांत बिए ओनर्स पदवी प्राप्त केली. 1929त देशांत यूथ लीगाची चळवळ सुरू आशिल्ली. तातूंत विधार्थी फुडारी ह्या नात्यान विलिंग्डन महाविघालयाचेर तिरंगो उबोवपांत ते येशस्वी जाले.

जिवीत

1930त जंगल सत्याग्रह, 1931 चो मिठाचो सत्याग्रह हातूंत वाटो घेतिल्ले खातीर तांकां स म्हयने बंदखण आनी 100 रूपया फारीक करचो पडलो. 1935 ते 36 ह्या काळांत तांणी कोल्हापूरांतल्या विधी महाविधालयांतल्या कायधाची पदवी घेतलीं आनी कराडांत वकिलीच्या वेवसाया परस गरीब समाजाची वकिली करून तांचे प्रस्न, समस्या सोडोवपांत वेळ पासार करचो अशें दिसलें. ताका लागून ते आपल्या मूळ गांवांत परत आयले आनी काँग्रेसीचे पूर्ण वेळ कार्यकर्ते जाले.

वावर

1952 ते 1978 मेरेन ते विधान परिशदेचे वांगडी आशिल्लो. तातूंतल्या 1960 ते 978 ह्या कालखंडांत ते विधान परिशदेचे अध्यक्ष आशिल्ले. 1979 ते 90 रोजगार हमी परिशदेचे अध्यक्ष आशिल्ले. ह्या काळांत सरकारान तांकां मंत्रिपदाचो दर्जो, सेवासुविधा, बंगलो, गाडी, भत्ते दिवपाचें थारायिल्लें. पण तांणी फकत म्हयन्याक एक रूपया इतल्याच मानधनाचेर काम केलें. बागणी ह्या मूळ गांवांतली 21 एकर जमीन आपल्या कुळांक दिली. घर, वाडो बागणी ग्रामपंचायतीक देणगी म्हणून दिलीं.