संजीव वेरेंकार

संजीव वेरेंकार हांचो जल्म २९ ऑगस्ट १९५९ वर्सा सावयवेरें गांवांत जालो.

शिक्षण

मुळावें शिकप सावयवेरेंच्या सरकारी प्राथमिक शाळेंत जालें जाल्यार माध्यमिक शिक्षण उत्कर्ष विद्यालय सावयवेरें (कृष्णा शेटये सावयकार विद्यालय) जाल्यार पदवी मेरेनचें शिकप पणजेच्या कला आनी विज्ञान महाविद्यालयांत जालें.जंय कोंकणीचो वावर चलता थंय संजीव आसपाकूच जाय अशें डॉक्टर. मनोहरराय सरदेसाय म्हणटखत. ते एक असले कवी जाची कविता केन्ना मोगरे कळ्यावरी परमळटा तर केन्ना कट्टेच्या इंगळ्या वरी धगधगता. भावझुंबरहो जावन आसा तांचो पयलो कविता संग्रह जाचे अस्तितवांत येवपाचे कारण स. लक्ष्मणराव सरदेसाय हे जावन आसले. ह्या कविता संग्रहांत ताणी वेगवेगळ्या विशयांचेर बरयील्ल्यो ल्हानल्हान कविता आसात.

वेवसाय

संजीववेरेंकार 1976 वर्सा सावन कविता बरयता, म्हणटा आनी जिययेता. तांच्या दोळ्यानी कोंकणी भाशेचे आनी रयताच्या जैताचे सपन आसलें. संजीव वेरेंकार व्ययसायान पत्रकार आसलो तरी पिंडान कवी. समाजीक जाणीवेचो एक बरोवपी. कोंकणीची चळवळ ही आपल्या गावांतल्यान आरंभ करपाकज्या काय गांवगिर्या तरनाट्यांक जालो तांतुंतलो एक संजीव.

संजीव वेवसायान पत्रकार आसलो तरी पिंडान कवी, बदलत्या काळाचो वेध घेवपी सामाजिक जाणीवेचो एक बरोवपी.

प्रकाशीत साहित्य

तांचे हाचे आदी भावझुंबर ,मुंबर हे कविता संग्रह जाल्यार मांड ओसड जातना हो एकांकी संग्रह मेळून तीन पुस्तकां उजवाडाक आयल्यात. ते भायर ताणी आनींक साबार कविता संग्रह अजवाडाक हाडल्यात ते म्हणल्या रमुंबर, गावांतली सांज, पडवे वयलीं सवणीं जातून भुरग्याखातीर कविता आसात, चेतन्याच्यो पावळ्यो, अस्वस्थ सूर्य, व्हिलेज इव्हिनिंग जीतांच्या कोंकणी कविता संग्रहाचे अणकारीत रूप जावन आसा आनी स्मरण. ते भायर ताणी मनपाखां, माड ओसाड जातना आनी तिपय हें जावन आसा तांच्यो एकांकीका.

पुरस्कार

• तांच्या पुस्तकांक कोंकणी भाशा मंडळाचे पुरस्कार लाभल्यात. कोंकणी भाशामंडळ, सरस्वतीमंदीर, गोमंत कला असोसिएशन, कोंकणीचें कुळार ह्या संस्थाच्या कविता सर्तीनी इनामा जोडल्यांत. ते भायर तांकां अस्वस्थ सुर्या ह्या तांच्या कविता संग्रहाक बेस्ट कोंकणी कविता क्रिथा पुरस्कार फावो जाला.
• वास्तु पुरषाचो अस्त जातना ह्या तांच्या नभोनाटयाक अखिल भारतीय आकशवाणी केंद्राचो ९९-२००० वर्सा खातीरचो राष्ट्रीय पुरस्कार फाव जाला.
• तांच्या एकांकिकांक वेगवेगळ्ळया सर्तीनी लेखनाची आनी सादरीकरणाची इनामां मेळयात.

हेर वावर

आपली कविता फक्त पुस्तका पुरती मर्यादीत उरनासतना ती प्रत्यक्ष लोकांच्या काळजा मेरेन पावची ह्या हेतून सिताराम नायक हांचें निवेदन लाभिल्ल्या काव्य झाडाझडतीचें ह्या कार्यक्रमाचे गोंयच्या वेगवेगळ्या महाविद्यालयांनी ताणी प्रयोग सादर केल्यात आनी ताका रसिकांकडल्यान बरो प्रतिसाद मेळ्ळा. संजिवाच्या कवितांचो पाठय पुस्तकांतय आस्पाव जाला. कोंकणी राजभास आंदोलनात (१९८५) तांचे योगदान आसा. नायलॉन ६६ आडच्या आंदोलनांत भूमिपुत्राचे सक्रीय भावनेत तो वावुरला.कोंकणी राजभास आंदोलनांत 1985 सावयवेरें-वळवय वाठारांन जें म्हत्वपूर्ण योगदान दिलें तांतून संजीवाचो मोलाचो वांटो आसा. नायलॉन 6 6 आडच्या आंदोलनांत भूमिपुत्राचे सक्रिय भुमिकेन तो वावुरलो. भाशीक, समाजिक, सांस्कृतिक कार्यांत आपणाले सत्व तिगोवन वावुरपाची तागेली वृत्ती तोखणायेची.

प्रवास हो तांचो आवडटो छंद भारतीय साहित्य अकादेमीचे प्रवास अनुदान योजनेचे लाभ तांका मेळ्ळा. १९७९ वर्सा गोंय ते बिचापूर ही सायकल भोंवडी जाल्यार १९८१ वर्सा गोंय ते मंगळूर मेरेनची पदयात्राय ताणी केल्या.