सुकोरीन फिजार्डो

सुकोरीन फिजार्डो ही एक बायल तियात्रीस.

जल्म

सुकोरीन फिजापडो विनोदी कलाकार जी तियात्राच्या मळार फामाद जाल्ली आसा. तिचो जल्म 31 ऑगस्ट 1950 वर्सा जालो. ती मुळची रांयबंदरा रावपी. तिचो बापूय लिगारीओ डिमेलो एक फाकिवंत गीत बरोवपी आनी आवय नॅटलिना फेर्नांडीस, ती दोगांय मुंबय स्थायीक जाल्ली.

भुरगेपण

वयाच्या सोळाव्या वर्सा ती अवर लेडी ऑफ फातिमा इगर्जेच्या कोयराची वांगडी जाली. त्या तेंपावयल्या फाकीवंत दिग्दर्शक सर्गेस्त सायब रोचा हांणी ताका इगर्जेंत पळयलें. आनी ताच्या आवय-बापायक सुचयल्ले कि सुकोरीनाक देवान गोड ताळो दिला, ते माचयेर बरे गावपी जातले. तांणी आपल्या तियात्रांत तिका संद दिली.

वावर

तिचे पयले पद सायब रोचाचे‘पुजा’ह्या तियात्रान आसा. ताचो रचनाकार डॅवीड फर्नांडीस. हे पद इतले फामाद जाले आनी प्रेक्षकाचो इतलो आदार आनी आवड पळोवन ताच्या बापायक स्फूर्त मेळ्ळी. ताणे रोकडेच पदां रचपाक सुरु केले. ताणी आपल्या घराब्याचेर आदारुन एक पद रचले‘माय बाबडी गरीब’. हे पद म्हणपाक ती फाटी फुडे सरताली कारण ते तिच्या फाममीलिचेर आदारुन आसले. पूण उपरांत तांणी केन्नाच फाटी वळून पळोवंक ना.

ताच्या बापायन बरयल्लो आनी दिग्दर्शीत केल्ल्या पयल्या तियात्राचे नांव आसले‘पयल्यो चार वस्तू’. ह्या तियात्रान सुकोरीनान वांटो घेतलो. ताच्या उपरांत तांणी फामाद कलाकार एम. बोयर हांचो‘सोवसार सुदोरलो’. ‘आंगोवणेची व्हंकल’-आलफ्रेड रोझ, प्रेम कुमाराचो ‘खोटो पोयसो’, सी. आलारिसाचो ‘गोंयचो मोग’ आनी बायलां खातीर ‘खुंयचो साकरामेंत’?हांचेभायर रेमी कोलासो, किड बॉक्सर, एच. ब्रिटोन, यंग मिनेझीस, रॉबीन वाज, आदी.तियात्रांनी वांटो घेतलो.

ह्या नव्या पिळगेतल्यातियात्रिस्तां मदीं सुकोरीनान सुकोरीनान कॉमेडियन डॉमनीक, मारीयान फेर्नांडीस, जॉन मॉरायस, सेमुयल कारवालो आनी जायते.

जायत्या जाणाच्या तियात्रानी अभिनय केला. तिणे एम. बोयाराचो भेस करुन ताच्या भशेन गायला. सुकोरीनान जायत्यो ऑडीया कॅसेटस आनी सी. डी. चेर पदां म्हटल्यांत जी पदां तिचो बापूय लोगोरीओ, टॉनी मार्टिन्स आनी सर्गेस्त मारीयान, बाबूश फेर्नांडीस, रॉनी मोनसेरात, मोयेस्ट्रो जोसीन्हो, नॉरमन आनी जायते जाणांचे संगीत आसा. तिच्या थोड्या रचनाची नांवां अशीं आसात. ‘पिशे’, ‘बच के रहना’, ‘बार्बी डॉल’. तिणे 200 वयर सी.डी. नी पदां गायल्यात.

तिची भोवडी गोंयांतच न्हंय पूण जगभर जाल्या.दुबय, दोहा, कुवेट आदी. गल्फ देशांनी ती भोंवल्या. तिणे जर्मनींत, लंडनान, कॅनडान सुध्दा आपल्या कार्यावळी केल्यात.

भोवमान

कोंकणी तियात्राच्या माचयेर तिच्या गायक आनी अभिनत्री म्हण दिल्या योगदाना खातीर तियात्र दिसाच्या कार्यावळींत कला अकेदामीन तिचो भोवमान केला. ती देवाक चड मानता. ती आपल्याक गावोंक दिल्या ताळ्याक आनी बुध्दीक लागून ती देवाक दिनवासता. ती तोखणाय करप्यांची, प्रेक्षकांची आनी तियात्र मोग्याची उपकार मानता.