स.अड् रवींद्र पांडुरंग नायक नमशीकार

स.अड् रवींद्र पांडुरंग नायक नमशीकार हो एक कोंकणी लेखक,कोंकणी मोगी आनी कोंकणी वावुरपी।

जल्म

26 जून 1935.

मर्ण

7 एप्रिल 1999.

शिक्षण

• एम् ए
• बी.एड
• एल्,एल्,बी

हेर वावर

• चार वर्सां शिक्षक आनी 26 वर्सां हेडमास्तर म्हूण प्रियोळच्या सेंत्रु एदुकादोर सोसायटी हे शिक्षणीक संस्थेच्या ।प्रियोळ,पंचवाडी,ह्या पांच स्कुलांनी वट्ट 32 वर्सां विद्यादान केले उपरांत सेवानिवृत जाले.
• सेवानिवृती उपरांत वकिलीचो वेवसाय स्विकारलो तांका विंगड विंगड विशयांची वाचपाची आवड आशिल्ल्यान शणै गोंयबाब,रवीन्द्र केळेकार हांच्या कोंकणी साहित्याचो प्रभाव पडलो आनी हातुंतल्यान कोंकणी अस्मिताय आनी भाशेचे लागणुके खातीर सातत्यान वावर केलो.
• मराठी साहित्य लेगीत चोखंदळपणान हाताळलें.
• बी.एड्. मेरेन शिक्षण तांणी मुंबय घेतलें आनी गोंय सरकाराचे सवेंत भरती जाले.
• ओपनियन पोल चळवळींत सक्रीय वांटो घेतलो.
• विलिनीकरण चळवळींत विरोधक म्हूण वावर केल्ल्यान शासकीय सेवेक सोडचीट दिवची पडली.
• एक हाडाचे शिक्षक तशेंच एक खापें नाटयकलाकार.स.बाकीबाब बोरकारांच्या संशयकल्लोळ नाटकांतली तांची फाल्गुनरावांची भुमिका खूबच गाजली.
• कला अकादेमीन कोंकणी नाटयसर्त सुरु करीत सावन कितलींशीच वर्सां सातत्यान सर्तीत वांटो घेवन इनामां जोडली.
• अंत्रूज लळितक ही नाटयसंस्था स्थापन करुन अंत्रूज म्हालांतल्या कलाकारांक नवी माची मेळोवन दिली आनी कोंकणी रंगमाचयेक एक नवी दिका दिवपाचो जाणीवपूर्वक यत्न केलो.
• भुरग्यां खातीर एकांकी बरोवन शालेय सर्तींनी सादर केल्यो.आकशवाणी पणजी केंद्रावेल्यान विंगड विंगड कार्यावळी सादर केल्यो.
• पुराय लांबायेची इतिहासीक नाटकां बरोवन कला अकादेमीच्या सर्तींनी सादर केल्यात.तालीकोट,राहील,ही तांतलीं गाजिल्ली नाटकां.
• गोवा हेडमास्टर्स असोसिएशन,गोंय सरकार पाठयपुस्तक समिती,कोंकणी भाशा मंडळ अशा जायत्या संस्थां कडेन तांचो लागशिल्लो संबंध आसलो.
• गोंयच्या नेमाळयांनी शिक्षण,पर्यावरण आनी राजकारणाचेर सातत्यान लेखन केला.