हमबर्टो फेर्नांडीस

हमबर्टो फेर्नांडीस हो एक तियात्र कलाकार.

जल्म

हमबर्टो जुआंव लुईस पालमिरा फेर्नांडीस, हाका सगळी कॉमिडीयन हमबर्ट म्हण वळखतात. ताचो जल्म 25 मार्च 1956 वर्सा फार्तोडा जालो. ताचे बापायचें नांव लोरेन्स कॉसेसांव फर्नांडीस आनी आवयचें नांव बसिलिया सांतान फेर्नांडीस.

अभिनयात सुरवात

ल्हानपणासावन हमबर्टाक अभिनय, गायन आनी नाचपाची कला आशिल्ली. होली स्पिरीट हाय स्कुलांत शिकतना, उप प्राचार्य सर्गेस्त फा. सांतान द कोस्ता जे फामाद बरोवपी आनी दिग्दर्शक आशिल्ले तांच्यानी हमबर्टाक हास्य भुमिका करपाची संद दिली. तांचे तियात्र चडशे गरीब इर्गजेच्या गांवांनी पयशें एकठांय करपाखातीर जाताले. ह्या उपरांत हमबर्टाक फाटी पळोवपाची गरज पडली ना आनी धावी जावन ताणें अभिनयाचो वेवसाय करपाचें चिंतलें. तो हुशार चलो आशिल्ल्या ताका फुडें शिकपाची उमेद आसली पूण घराचे परिस्थीक आनी संकश्टांक लागून ताका फुडें शिकपाक मेळूंक ना. तो बारीक बारीक कामां करतालो तशेंच तियात्रांनी नाचतालो.

ताचो अभिनय पळोवन, रोजारियो डायसान 1972 वर्सा आपल्या चूक हांवें आदारली ह्या तियात्रांत ताका घेतलो. तातूंत ताका मुखेल कॉमेडियनाची भुमिका दिल्ली. तेन्ना हमबर्ट फक्त सतरा वर्सांचो आसलो. ताणें तो अभिनय खूब बरे तरेन केलो आनी अशे तरेन हमबर्टाच्या रुपान तियात्र माचयेक एक उत्कृश्ट कॉमेडियन मेळ्ळो म्हण जाहीर केलें. एका वर्सा उपरांत, 1973 वर्सा हमबर्टान रोजारियोक आपल्या 13 वर्साच्या भावाक प्रिन्स जॅकबाक तियात्रांत भुरग्याचो अभिनय दी म्हण राजी केलो.

तियात्रांनी वावर

1974 वर्सा , हमबर्ट गल्फाक वचून थंय धा वर्सा काम केलें तशेंच आपल्या गोंयकार भावां वंगडा मेळून आपलो अभिनय चालूच दवरलो. 1984 ह्या वर्सा तो गोंयांत परत आयलो. ह्या वर्सांनी ताच्या भावान, प्रिंस जेकोबान आपल्या खातीर कोंकणी माचयेर सुवात केल्ली. गोंयांत तशेंच मुंबय शारांतताणे अभिनेतो , लेखक , दिग्दर्शक नामनां जोडिल्लीं. रोझारियो डायस, लिंगारियो फेर्नांडीस , रोबीन वाझ , रोझफन्स , रोझारियो रोड्रीग्ज , जसीन्त वाझ खाला वावर करून प्रिन्स जेकबान आपले स्वताचे प्रॉडकशन हाउस सुरू केलें.1985 वर्साहमबर्टान, आपल्या भावाच्या पयल्या तियात्रांत ‘पिंजरे’ हातूंत भाग घेतलो. ‘पांयणे’,‘पावणेक’, ‘ पेदो’ , ‘ प्रचीत’, ‘पेरगांव’, ‘पाद्री’, ‘कागोत’ ‘रोंटो’ ‘रोस्ताद’, ‘रुदान’ आनी ‘रुपया’ हे प्रिन्स जेकबान बरयल्ल्या तियात्रांत ताणें काम केलां. फाटली 32 वर्सा ताणे आपल्या भावा वांगडा काम केला. ‘पाद्री’ ह्या तियात्रान 350 माचयेर प्रदर्शीत करून 125 व्या तियात्राच्या इतिहासांत एक नवे आयाम तयार केलो. ह्या तियात्रांत दोगूय भावान काम केल्ले. रोझारियो डायस आनी प्रिंस जेकोबाक सोडून ताणे हेर दिग्दर्शकां बरोबर काम केलां. तांची नांवां अशीं आसात- रोझारियो रोड्रीग्ज, जॉन क्लारो, मेनीन द बांदार, मिलाग्रीस द चांदोर, मारयो मिनेझीस , आगुस्तीनो, स्टार ऑफ कुरतोरीम, लौरी त्रावासो आदी. तरहमबर्टवेवसायीक तियात्र माचयेर फाटलीं 45 वर्सा आसा. ह्या आपल्या काळांत ताणें 250 तियात्रांनी अभिनय केला आनी हजारांनी देखावे केल्यात. गोंय सोडून हमबर्टान भारताच्या वेगवेगळ्याराज्यांनी प्रदर्शन केला जशे मुबंय, पुणे, मंगळूर,नवी दिल्ली तशेंच गल्फाच्या सगळ्याच देशांनी ताणे प्रदर्शन केले.

सादरीकरण

हमबर्टाक दिसता की ताचे सगळ्यांत बरे सादरीकरण जैकोबाच्या व्हड येस मेळोवपी ‘रुपयां’ ह्या तियात्रांत आसा. जरी ताची भूमिका विनोदी आशिल्ली , ताणे आपल्या अभिनयाच्या माध्यमांतल्यान लोकांच्या दोळ्यांतल्यान दुखां हाडली. ह्या भूमिकेक लागून ताका गुलाब पुरस्कार फावो जालो. हमबर्ट म्हणटा जेकोबाच्या ‘पेदो’ आनी ‘प्राचीन’ ,मागीर स्टार ऑफ कुर्तोरी हाचो ‘मांय दुखी सासुमांय सुखी’ आनी लौरी त्रिवासोचीं ‘पिसुडलेली फुलां’ ह्या तियात्रांनी ताचे भुमिकेची लोकांनी खूब तोखणाय केल्या.

हमबर्टान तीन कोंकणी फिल्मांनी काम केलां. ती म्हळ्यार जेकोबाचे ‘पाद्री’ , बोनाफासीयो डायसाचे ‘ मोगाची झोर’ आनी ‘जबाबदारी’. 200 वयर तियात्र वि.सी.डी. न ताणें काम केलां. तातुंतले कांय फामाद तियात्रम्हणल्यार ‘फ्रिडम फायटर’, ‘सांगशी खबरदार’, ‘रोडो नाका’ , ‘सेकेंड हेंड’, ‘वॉन्टीड’ ‘प्लीज शातूर रावात’ ‘ड्रीम गल’ ‘मेन्टल हॉपीस्टल’ ‘मिस्टर बाबुराव’ ‘जादू’ ‘तॉयम पास’ ‘कसले घर हे’ ‘मम्मी’ आनी ‘पल 2’. ते भायर ताणे स्वताचे आयकुपाचो ऑडियो आल्बम ‘विवा गोवा’भायर काडिल्लो आनी 25 ते 30 वयर दुसऱ्या दिग्दर्शकाच्या ऑडीयो आल्बमांनी काम केले. तांची नांवां आसात ‘गोंय ते गोंय’, ‘हांवूच फटोवलो’ आनी ‘स्वभाव’.

पुरस्कार

-बॅस्ट कॉमिडीयन पुरस्कार-सिंबा फुटबॉल क्लब, यु.के-1989 -बॅस्ट गोवन परफॉमर- कोका कोला पुरस्कार-2001 -बॅस्ट एक्टर-गुलाब पुरस्कार 2002 -अप्रीसीएशन पुरस्कार-1लोऑल इंडीया कोंकाणी म्युझीक कॉनफरन्स-2002 -बॅस्ट कॉमिडीयन- कोंकणी हेरीटेज,कुवेट पुरस्कार 2003 -बॅस्ट कॉमिडीयन एक्टर-युत रिक्रियेशन सेंटर,कुवेट रांझींग स्टार पुरस्कार-2003 -कोनट्रीब्यूशन टू कोंकनी स्टेज-गोवा पब्लीकेशन्स pvt.ltd-2008 - कोंकणी माचयेक आपले काम आनी -कलो अकादमी गोवा-2009 -बॅस्ट कॉमिडीयन-गुलाब पुरस्कार,2010 -मोमेंनटम पुरस्कार-आदलो मुख्य मंत्री चर्चील आलेमांव हाणे भेटयलो-2010 -बॅस्ट कॉमिडीयन – डॉ जेक दी सिकवेरा पुरस्कार-2010.