१०वो गोवा युवा महोत्सव (१५, १६ जानेवारी २००५)

१०वो गोवा युवा महोत्सव( १५,१६ जानेवारी २००५)१०वो गोवा युवा महोत्सव १५ आनी १६ जानेवारी २००५ ह्या दिसा चावडी काणकोण हांगा जालो. शेनवार आनी आयतारा जावपी १०व्या युवा महोत्सवा निमतान गोंयच्या तरणाट्यांक येवकार दिवपाचे तयारेंत पुराय काणकोण तालुको आसलो. ह्या महोत्सवाक चार हजारावयर प्रतिनीधी वांटेकार जाल्ले।.

सुमार ६० पंगडांनी साबार सर्तींनी वांटो घेतिल्लो. महोत्सवांत १४ सर्ती घडोवन हाडिल्ल्यो.ह्या १०व्या गोवा युवा महोत्सवाचें उक्तावण गोंय राज्याचे नित्यानंद नायक, युवा महोत्सवाची समाजसेविका इंदिरा पै कुडाळकार, कार्याध्यक्ष अंजु साखरदांडे आनी सचीव सुरज कोमरपंत हजर आशिल्ले. वेग-वेगळ्यो सर्ती दवरिल्ल्यो त्यो अश्यो लोकनाच, रांगोळी,रुपडें, फ़टाफ़ट, खेळ, ट्रिओ, धिक थै, प्रस्नमाची,मुस्तायकी,गीत गायन,आदी.

ह्या १०व्या युवा महोत्सवांत पयलो जैतीवंत पंगड श्री.मल्लिकार्जुन महाविद्यालय आनी दुसरो 'श्री.कामाक्षी देवी होमियोपथीक कॉलेज' आसले. समारोप सुवाळ्या वेळार हेमा सरदेसाय मुखेल सोय-यो म्हूण हाजीर आशिल्ले. ह्या महोत्सवा निमतान काडिल्ल्या यादस्तीकेचे नांव ‘मेळ’ आसलें.ह्या १०व्या गोवा युवा महोत्सवाची कर्याध्यक्ष म्हूण अंजु साखरदांडे हांणी जापसालकी सांबाळळी.