१४वो गोवा युवा महोत्सव (१७, १८ जानेवारी २००९)
१४वो गोवा युवा महोत्सव( १७,१८ जानेवारी २००९) १४वो गोवा युवा महोत्सव १७ आनी १८ जानेवारी २००९ ह्या दिसा स्पोर्ट्स कॉम्प्लेक्स, पर्ये,सत्तरीत आयोजित केल्लो. गोवा युवा महोत्सवाचे उक्तावण पयलेच फ़ावट दिवले वांगडाच दिवजां पेटोवन जालें.ज्येश्ट कोंकणी साहित्यीक आनी पत्रकार सदानंद तेंडुलकार हांणी उक्तावण केल्लें.[1]
महोत्सवाक उपाट प्रतिसाद दितना २२ महाविद्यालयीन आनी १७ संस्था मेळून वट्ट १९ सर्तक महोत्सवांत वांटेकार जाल्ले. गीत गायतना,मुस्तायकी, रुपडें, रांगोळी,नाच नाच नाचुया,प्रस्नमाची,पेटय फ़ार,थोडें आमचें थोडें तुमचें,खातकुतल्यो, आदी अश्यो सर्ती आयोजीत केल्ल्यो.[2]
ह्या युवा महोत्सवाक स्वामी विवेकानंद सादरीकरण मंच हो पंगड जैतीवंत थारलो.ह्या युवा महोत्सवा निमतान काडिल्ल्या यादस्तीकेचें नांव म्हादय आसलें.ह्या १४व्या गोवा युवा महोत्सवाक एकनाथ नायक हांणी कार्याध्यक्ष म्हूण जापसालकी सांबाळ्ळी.