Amrita Pritam
| |
Romi
|
Amrita Pritom (zolm 31 Agostt 1919 Gujrannovala-Pakistan).
_,_in_1948.jpg)
goneanpitth puroskar zoddpi namnechi ponjabi lekhika. avoichem nanv rajbibi ani bapaichem nanv kortarsinh. bapui 'pioux' hea nanvan kovita boroitalo. heach 'pioux' nanvacho ponjabi rupkar korun 'omrita' he nanv aple dhuvek dovorlem. omrita kovr dha-ikra vorsanchi astona tiche avoik mornn ailem ani tika vaddovpachi zapsaldar ki bapaicher aili. bapai koddlean urba ani sfurt ghevn ani tachea kaveachea probhavak lagun sollavea vorsa savn omrita pritman kavio rochnnukek survat keli.
itle mozgoti pritmsinh katvadda hache kodden tichem logn zalem. uprant bharot-pakistan fallnni uprant ti bhartant aili. dil'lichea akaxvanni kendracher 1948 te 1960 meren tinnem sttaf arttistt mhonn nokri keli. hea kallant akaxvanni khatir gitam, rupkam, adi sahiteachi nirmonni korun prosaronn kelem.
tichi survechi sahitio nirmonni paromparik axil'li. punn uprant onnbhov ani voioktik bhavna uktavpache utkott itsek lagun kaveant ek bodol zalo. mog ho tichea kovitancho mukhel vixoi asa. ho mog moniszaticho ani atmnixtth asa. tinnem aplea sahiteantolean baisancho pakho eka khasa takdin manddla. bailozati voilo oniai ani chempnna add tinnem avaz utthoila ani paromparik muleam add bondd kelam. sodeak meren tiche bara-tera kovitam jhele uzvaddak aileat. 'mem tavarikh ham hind di' hi tichi kavio rochnnuk dexache fallnnicher boroilea. 'sorghi vela' (1951) hea jheleant monxachea monantli torol ani komol bhavna kolatmok ritin uktailea. tichea kaveant vastovta, doddpoxai ani cheponn hanchea add bonddachi bavna spoxttponnan zannovta.
ek unchelea panvddeavoili kandborikar mhunn tichi ponjabi sahiteant namna asa. aiz meren ticheo dha kandboreo uzvaddak aileat. kadomboreanchi xoili kaveatmok asa.tichea survechea kandboreantolean bharoti-i bailancher zaupi oniai chitaril'leo dista. xaririk ani mansik nodren osomadhani axil'lea bailanchi vioktirekha tinnem somorthponnan aplea sahiteantolean uktailea. 'alna' he kadomborint tinnem onovros bhurgeanchi dukh'kham uktim keleant. tatunt onath bhurgeam khatir axrom' ukte korun tancho samball korpache sevavrit'ticho bhav progott zata. chitrkar horkrixnn hachea jiviticher boroil'li 'no radha no rukmonni', 'ek khali zogoh' hi svabhiman dukhavtokoch pettun utthpi osamanio zaupi bailechi viroh-kotha; 'aka ke pot'te', 'eril', 'eskimo smail', 'kochchi soddok', 'ddokttor dev', 'pinzor', 'zolavton', 'ourot', 'ioh soch hoi', 'ek xohor ki mout', 'mera komra', 'jeb kotre', 'uski kohani', 'pokki hoveli', 'sagor our sipim-am' heo ticheo kaim gajil'leo kaim gajil'leo kandborika.
kadomboream vangddach 'chabi bore bad'(1943), 'kunjion' (1944), 'akhori khot'(1956), 'gozor dion porion'(1960) he ul'lekh korpa sarkem kaim kothanjhele. tichea purai sahitio nirmonnentlean eka kolakarachi mansik udorgot zait gel'li dista. survek tinnem aplea bhavnancher ani mansik prokriancher boreunk survat kel'li. uprant aple avoibhuimecho avixkar tichea sahiteantolean zanvk laglo. sodeak moniszatichea bhavnancho eka vegllea thoracher avixkar zatna tichea sahiteantolean dixtti poddtta.
'oz arvam varis xahnum' he koviten tika ponjabi sahiteant ozoroumr korun dovorlea. 'bodlam de polvich'(1943), 'lombia vattam'(1949), 'movli te mohondi'(1955), 'sorghi vela'(1951), 'oxok chheti'(1957), 'chanmn dha houka' (1962), 'kagoz ke kenvas' he tiche kovita jhele. tichea 'sunhodde' (1955), hea kaviosongrohak 1981 t goneanpitth puroskar favo zalo. 1958 vorsa ponjab sorkaran puroskar divn ticho bhouman kelo. tichea sahiteacher 'kolom' dha bet' ani 'omrita pritom' di chounvi kovita' he gronth uzvaddak aileat. 'omrita ke prem' potr' him tichim prempotram ani 'rosidi ttikott' hem atmchoritr sahiteantle vegllech nomune zavn asat. tichea sahiteache hindi, inglez, moratthi, urdu, gujrati, bhaxamni onnkar zaleat. kovitanche onnkar ingleji bhair roxion ani olbenion bhaxantlean zaleat.
omerikentlea mixigon sttett iunivorsittin tichea sahiteacher 'mohfil' (nohfil) nanvachem pustok halinch uzvaddailam. dil'li savn uzvaddak ievpi 'nagmonni' hea ponjabi masikachi ti sompadika asa. sahitio okadomi ani rajio sobhechi ti vangddi asa. tinnem roxia, bolgeria, hongeri, zormoni, inglondd adi raxttranchi bhonvddi kelea.