Andorra
Romi
|
Andorra pireniz porvotache dokxinn denvtemvoilem, iuropantlem ek lhan rajio. Vistar 1o 35' te 1o 48' udent ani 42o 26' te 42o 39' ut'tor lok sonkhea 46,000 (1986). Hache ut'tore votten fransche aryezh ani pireniz orienttols prant ani dokxinnek spencho lerida prant asa. Addora la vheli hi hangachi rajdhani.
Bhuimvornnon, hovaman ani vonospot बदल
Ho dex dongor ani degnnamni bhorla. Mollacho vatthar sap unno. Somudrothorasavn dexachi unchai 900 mi. te 3,000 mi. asa. Hangacho ximiallo khor asta. Gimantoi choddxe kodden hovaman xitoll asta. Vasvel, bhalu, kolo, soso hi monzat; gidam, gorudd adi suknnim zalear ok, okrodd, chesttnott, elivh he rukh hanga sampoddttat.
Itihas ani rajiovevostha बदल
Xarlomel haka mur lokam add palov dil'lean tannem addorache svotontrotaiek maniotai dili oxem itihaskar mantat. 1278 t frams ani spen hangachea odhikarivorga modim koblat zavn addorachem proxason dogaimchea protinidhim vorvim cholunk laglem. 1976 t hanga poilea rajki pokxachi thaponnuk zali.
Arthik sthiti बदल
Xetovodd, nustemari he mukhel udieg. Ranantlea rukham posunoi borench utpon'n melltta. Tombakhu, rai, barli him hangachim mukhel pikam. Elivh ani drakxanchem utpadonoi zata. Menddhram-gorvam pospachoi udieg cholta. Poriottonantlean hea dexak borench utpon'n melltta.
Samajik sthiti बदल
Anddorant ieradari ani soncharonn vevostha sopi oxi na. Frams ani spen hea dexam kodden rosteachea marga voilean ieradari cholta. Punn framsa kodden zoddil'lo rosto tin char mhoineam-khatir borfak lagun bond asta. Spain ani frams hea donui dexanchem cholon hanga cholta.
Hangache lok kettelon vonxache ani sumar 95% romon kethlik asta. Kettelon hi hangachi rajio bhas. Xikxonnachem promann sumar la vheli, les oeskaldex ani oenokemp.