Bastora
Goenchea Uttar Goy jhilliant aslolo Bastora ho ek povitr ganv. Mapxea xhara lagsar aslolo ho ganv Goenkaranche toxench her Goenkaranche mann bhulovon udoita.
Bostodchi Vyuthpathi बदल
'Bastora' hem nanv Bostodem hea nanvant saun upzala. Kadamba ani Vijaynagar him rajgharani hea vhatarant raj kortali, tea kallavoile tem nanv.Konkni bhaxent hea ganvak apurbaien Bostodea mhun volkhotat.
Thodkean Itihas बदल
Goenchea itihasant Bostodea ganvak ek mhotvacho zago tharailolo asa. Bardez talukeantlo poilo Borf toiar korpacho karkhano hea ganvant suru kel'lo. Tech bhaxen Goyantlo poilo Chapkhano ani Water Polo khel hache thikkhan hea ganvant aslem, toxench Goyantli poili St. Franciz Xavier Mhavhidealay hea ganvant zolmak ailo.
Bardezantlo Poilo Borf Kharkano बदल
'Teliavado' hea Bostodchea vhatarant Bardezantlo Poilo Borf toiar korpacho kharkano suru zal'lo. Uddheg sombondith gorzam khatir toxench ghorchea gorzam khatir jednsm borfachi magnnim ietali tednam, ho kharkano ti purai kortalo.
Goyantlo Poilo Chapkano बदल
Topographia Rangel hea nanvan suru kel'lo chapkano ani prakashak ghor, Goyantlem poilem Prakashak Ghor ani Chapkano mhunn namnek aile. १८८६ vorsa, Janin Rangel hannim tem sthapan kelem. Purai Goencho lok aplim kamam korun ghevpak hea Bostodchea ganvant ietale.
Goyantle Poilem 'Water Polo' Khelache Sthan बदल
Portoguesanchi Goyant razvott choltali tea kallar krutrim podottin toiar kel'lea tholeacho vapor khelakhatir zatalo. Pavsa disamnim udkacho lott dongran voilean vhanvun mhullsanth aslelea xhetank hunvar hadtale. Tem adovpakhatir, Bostodchea ganvant hem kherit thole bandhlele. Goem bhorcho lok Bostodchea ganvant ho Water Polo khel polovpak ani tacho anond bhogunk ietale.
St. Franciz Xavier Mhavhidealay, Bostodea (१९६३-१९६७) बदल
१९६३ vorsa Jezuit sonsthechea adharan, hea mhavhidealachi survat Bostodchea ganvant zali. Survatek Pad. Edward d'cruz hannim Mukheadhyapak mhunn zobabdari ghetli. १९६५ vorsa Pad. Nicolau Pereira, hannim zobabdari gheun, १९६७ vorsa ti Mhapsa xharant bodol'li.
Bhugol बदल
Bostodcho vattar ३२२.१६.२५ hectar asa. Hatuntle १७८.१०.५० vathar xeth kaama khatir vaportat. Urlolo १२.८२.७५ hectar vathar paad asa. Soimbache sobitkaien netoilolo Bostodcho ganv, Mhapsa famad xhar hache pasun ३ kilometre ontoracher asa. Mha-marg १७, Mhapsa ani Bostodea modim veglavpi mer. Punn Bostodcheo kai mhotvacheo zago Mhapseche dakshin ponthak tenklea. Tarivoilo pool Bostodchea ganvak Mhapsha sharak zodta. Bostodche xezari vathar Paliem, Uskai, Punola, Guirim ani Moira. Mha-marg १७ Bostodche shanth vathavaran, Mhapshe sharachea bobala pasun pois kadta.
Loksankhya बदल
२०११ lokganti mandne promann Bostodeant ३९४३ lok ravtat. Tantuntlem १९१८ dadle tor २०२५ bailo asat. Mhunnchem dadlo : bail proman ९४ dadle १०० baile fatlean. Purai loksankhie bhitor ३४० zan ०-६ vorsa bhitorle piraieche. Tantuntlem १६४ dadlea lingachem tar १७६ bhurgim bail lingachim. Purai ३१४३ loksankhie bhitorle ३३०२ barpakxri, tantuntlem १६६४ dadle ani १६३८ bailo asat. Mhuntoch sakxartanchem praman ९१.७६ xresht takke asa. Ghorvasim lokanmodle १९१ zan anusuchit zatichem (१५ dadle ani १६ bailo) tor ३३ zan anusuchit zomatintlem (१८ dadle ani १५ bailo) asat.
Poramporik Uddheg / Vyavsay बदल
Xethkaam : Bostodchem pikall zomnint Pavsalli toxench Voygani pikam roitat. Tim mhonllear bhath, mhirsango, kaande, alsande, gobi, naab, vayngi, tambdi bhaji ani mhule. Posloli Zonavoram : Xethkaama khatir, toxench jevnna-khanna khatir gaay, boyl, bokkdeo, dukram, kombdeo, lok postale. Hathbhag Uddheg : Bostodchea 'Boa Vista' vhatarant don kopdeancheo girni sthapan kel'leo. Kopdo vinnun ganvchea toxea, her lokank tachi vikrim zatali
Unddeache khorn/ Bakery बदल
Goencho hunhunit pav, hache bogor Bostodchea ganvkaranche jevon purnn zaina. Boa Vista vhatarant aslelea tin zagiancher pav bhajpache khorn asat.
Lokhond kam karpachi kala : Hi kala 'Chari' ghoraneant prabhavik asa. Grili, gati, toiar korpak toxench aavtank dhar kadpachea kamant tem lokanchi seva kortat.
Xettpann बदल
Bhangracheo vostu korun teo lokanchea darameren pavop, he kam Bostodche xett kortale.
Soro toiar korpache kam बदल
Bostodche dongor Kazuni bhorlele astale. Hea khatir hanga soro toiar korpache dhandhe, kazu biyanche kharkane bi uthpann zale.
Kondiache hatkaam बदल
Kondiachi bellan tasun tache pasun sobit panttle, mandreo ani her vostu korpak ‘Mhar’ hya lokachi karagiri famaad zaun geli.