Bhagivont Gerard Majella
Bhagivont Gerard Majella zaun aslo ek Redemptorist brother. To Katolik firgojecho ek sant zaun asa. Bhurgeank, gorban aslolea bhurgeank, avoiank ani avoiponache besar aslelea ostoreank khatir tache magnneacho adar magtat.[1]
Jivit बदल
Gerard Majella Italiant Muro Lucano, Basilicata, hanga zolmololo 6 Abril 1726. Tannem zaiteo milagri kelleo:[2]
- Ek bhurgo dongrarsavn podon melolo, taka portun jivo kelo
- Ek gorib kutumbachea gonvacher axirvad ghatlea uprant, tem gonv fudlea vorsa pasun tankam pavlem
- Zaite pavti goribank vant'talo te unde unne asounui tannem soglleank pavoxem kelem
- Ekda tannem utkacher cholon nustemkarank vadollantlean doriache ximer pavoilo
Sant Gerard Majella 16 Otubr 1755, Italiant melo.[3] Taka 29 Janer, 1893 vorsant Roma xarant Pap saib Leo XIII an bhoktivontacho mann favo kelo ani Dezembrache 11er, 1904, Pap saib sant Pius X an taka santacho mann favo kelo.[4] Saint Gerard Majellacho fest Otubrachea 16er zaun asa.
Avoiancho patrão बदल
Ekdam Sant Gerardan Pirofalo familik bhett dilo ani thoisor tacho rumal soklla podlo. Tea familichea eke cheddvan jednam taka tem portun dilem, Sant Gerardan taka mhonllem "Tujem kodem dovor. Ek dis tuka hachi goroz podot".
Khup vorsanim, Gerard Majella somplea uprant, tea ostoreche bhurgem zolmotana moronk paulelem. Taka brother Gerardachim utrancho ugdas ailo ani tannem to rumal apleaxim haddunk lailo. Teach vellar, tacho dukh somplo, ani tannem borea bolaikechea bhurgeak zolm dilo. Hea ghodnnek lagon Sant Gerardak "il santo dei felice parti", mhonnge "borea zolmacho sant", mhonnon pachartat.[5]
Mhonnio बदल
- "Santism sakramentan Jesu Krist lipoilolo asta, gorib ani piddest munxachea rupan Krist porot amche mukhar ieta"
- "Mhaka mhojea pelean Jesu Krist disti podta"
- "Vellache unneponn, sasnnachem lambai, ani hanga soklla sogllem koxem bhaxen kabar zaun soron voita, hea vostuncher niall kor. Adar diunk xokona toslea vostucher tenkon koslo faido?"
Sondorbh बदल
- ↑ "St Gerard Majella". cssr.org.au. Archived from the original on 2017-03-06. Retrieved 2017-04-03.
- ↑ "Liguori Publications:Saint Gerard Majella". liguori.org. Archived from the original on 2013-01-17.
{{cite web}}: Unknown parameter|deadurl=ignored (|url-status=suggested) (help) - ↑ "St. Gerard Majella, Redemptorist Saints". redemptorists.net. Archived from the original on 2014-08-08.
{{cite web}}: Unknown parameter|deadurl=ignored (|url-status=suggested) (help) - ↑ J. Magnier, 'St. Gerard Majella', Catholic Encyclopedia
- ↑ "Redemptorist". cssr.com. Archived from the original on 2003-05-11. Retrieved 2017-04-03.