Caridade Damaciano Fernandes
Caridade Damaciano Fernandes (1904 – 7 Outubr 1948) ek Konknni bhaxecho pikall kadomborikar ani te bhaxent godheo sahitecho mull sodpi aslo.Taka Konknni romansincho bapui mhonn vollkhotat.[1] Caridade Damacian Outubrache 7 ver, 1948, somplo punn tachea daizacho ozun ugddas kaddttat ani tem monoitat.[2]
Prapteo
बदलOutubr 2019 zalolea eka sullaveant, taka ek “kadomborikar, potrkar, kantaram ghoddpi ani Goencho monoilolo sahitik put” mhonn monovpant ailo toxench Romansincho Bapui honnpant ailo.[1] Ho suvallo Goenchea Holdonnem ganvchea firgojechea vosreant zalo.[1]
Caridade Damacian ekea nglix bhaxechea satalleacho sompadokui aslo jem Mumboint porgottpant ietalem zache nanv “The Emigrant” (desteagi) aslem.[1] The Emigrant hachi vollokh korun D'Lima sangta ki tem ek "Konknni-Inglix satallem" E.C. Carvalho hannem uzvaddailolem aslem.[2]
Caridade Damacian Outubrache 7ver, 1948 somplo, punn tachea daizacho ozun ugddas korun tem monovpant ieta.[3]
Caridade Damacian haka Holdonnechea lokam modlem ek “rotn” mhonnpant ieta. Holdonnem ganv Bardezcho up-jil’leacho Ut’tor Goencho ganv zavn asa zo padrink, madrink ani tiatristank lagun famad zala. Alfred Rose zovui Holdonncho tannem Fernandes-ak Konknni Romansincho Pai mhonnttla.[2]
D'Cruz sangta ki famad Indian Express hacho adlo sompadok Frank Moraes hannem mhonnttlam ki tannem fokot ek pan ani lekhnni vinchunk zai asli ani tachea kolponechea mendvantlean vichar vhanvunk pavtale.[2]
Vavr
बदलCaridade Damaciano Fernandes hachem poilem pustok Armida, 1931 vorsa uzvaddak ailem. Thoddim vorsam, to ek lhan pustok dor satalleak boroitalo ani Mumboichea Victoria Printing Press hantunt chhaptalo. Dor Budhvarak pustok chhaptolo, ani tachem mol ek anno (vo so poixe), rupiacho sollavo vantto aslo.[2]
Tachem nimannem pustok Goenchem Kolvont, aslem jem to melea tea vorsa boroilolem ani tem Mhapxenchea Tipografia Laxmi hantunt chhaplolem. Tachi zolmanchi tarikh konn nokllo.[2]
Aplem pustok boroitoch, tin voizancho Elvino de Souza bhavancho sol’lo ghetalo, oxem somzotat. Brazinho Soares Kalafurkar, Goenchea Santa Cruz ganvcho Konknni pustokpremi hanchea sangnnea pormonnem Fernandesan sumar 101 romansi (chodd korun apnnench porgottloleo) boroileat.[2]
Her Iogdan
बदलCaridade Damacian hannek tiatram khatir vegvegllea vixoiam voir kantaram rochleant je tiatr ganvche bhurge, chodd korun Dezembrache 26 tem Janerache 6 tarkhe meren Natalanchea mosomant sador kortale.[2]
Bhurgeanchem Fest suru kelam dekhun taka xroi ditat jem Povitr Khursachea kopela kodden St Luiz Gonzagachea manak tachea ghora lagim tachea vaddeant korpant ietalem. Tannem ek gaion hea somoiar rochlolem jem ozun tachea vaddeantlo lok gaita.[2]
Jivit
बदलCaridade Damacian Manuel Fernandes hacho (Mainacho) ani Maria M Mascarenhas (Khorzuvemcho) ho ekloch bhurgo. Caridade Damacian ho Holdonnchea Maina vaddeantlo, ani xetkamteacho put.[2] Tachi maim ek kuzner asli, ji ghoran ghor bhonvtali ani randpachi ani Goenchi mitthai korpachi seva bhettoitali.[2] To ek tarvotti zalo ani Maria Luisa de Souza kodden kazar zalo ani tankam bhurgim naslim Choddxem proudd jivit tannem Mumboint sarlem ani 1930ant sahitik namna zoddli.
To Parra-chea Maria Luiza de Souza kodden kazar zalo ani tichea ghovachea mornna uprant, ti aplem udarposon korunk her lokanchea ghorant kuzner koxi vavrunk lagli.[2] Tanchem ghor Sacred Hearts of Jesus and Mary Home for the Aged hachea samkarak aslem ani tankam bhurgim naslint.[2] Tanchem mull ghor vikpant ailem ani tea zagear novem ghor ailam.[2] To somplo ten’na to fokot 44 vorsanche piraiecho aslo ani taka Holdonnechea simitrint purpant ailo.Thoddea kall modem, tannem xemboram voir Romansi boroileo.[2]
Vavr
बदलCaridade Damacian hannem Mumboichem Inglix-Konknni satollem The Emigrant sompadon kelem. Tannem sumar 100 novolkanneo boroileo. Choddxeo tis panacheo asleo ani tanchem mol khub unnem mhonnche Bharoti ek anno aslem.[2] Tancho mozkur oddlavnneo ojapancheo ani mogacheo kanneacho aslo, zantunt ruddivadi patram, mogache dekhave ani xevott kaveatmok niaicher adarit asleo.[4][5] Tacheo chodd famad romansi Julus Patxai, Armida, Ankvaricho Cheddo, Rio Rita, ani La Beatrice zavn asat.[4] Tachem nimannem pustok Goenchem Kolvont zavn asa jem 1947 vorsa porgott zalem.[5]
Daiz
बदलEka Holdonnchea rosteak tachem nanv ghaltole mhonn 2019 vorsa sangpant ailolem.[6]
Sondorbh
बदल- ↑ 1.0 1.1 1.2 1.3 Desk, N. T. (2019-10-27). "DKA remembers the father of Konkani novels". The Navhind Times (in अमेरिकन इंग्लीश). Retrieved 2021-01-11.
- ↑ 2.00 2.01 2.02 2.03 2.04 2.05 2.06 2.07 2.08 2.09 2.10 2.11 2.12 2.13 2.14 2.15 D'Cruz, Felix (January–March 2019). "Caridade Damaciano Fernandes Taka 'Romansincho Pai' Mhunn Pachartale. Translated by Sonia Do Rosario Gomes". Goycho Pormoll: 67 onwards.
{{cite journal}}: CS1 maint: date format (link) - ↑ "Remembering son of soil". The Goan EveryDay (in इंग्लीश). Retrieved 2021-01-11.
- ↑ 4.0 4.1 ManoharRai SarDessai, A History of Konkani Literature: From 1500 to 1992 (New Delhi: Sahitya Akademi, 2000), p. 228.
- ↑ 5.0 5.1 Paul Fernandes, 'A Forgotten Konkani Novellist', Sunday Times of India (Goa Edition) (22 December 2019), p. 2.
- ↑ 'Aldona VP to hold special gram sabha on Sagarmala project', The Navhind Times (21 October 2019).