Colvachem Fama
| |
Romi
|
Fam' hem vhodda umedin kolvechea gamvant monoitat. Minin jezuchea festachi maddi mhollear fam' ji kolvechea merses saibinniche igrjent zata. Hi igrz 400 vorsachi asa.Hanga festa poros fam' vhodda dobajean monoitat.Fam' novenachea poilea disa ani maddyecher besamv ghalun suru kortat. Okttoborachea dusrea somara fam' vhodda umedin kortat.Zom-i hozaramni lok ekttam-i yeun imajicho umamv gheupak yetat. Nnou disachim novenam fattlean fest monoitat.[1]
Itihas
बदलEka thollavi akheayike promann minin jezhuchi imaz muzambik doreadeger 17 vea xenkddeant mell'llil'li.Ti imaz fador bentto ferera ek jezhuit padrichea fuddakaran vochpi bottir asli ji doreadeger vochun adll'lli.Fador benttochi bodli 1648 vorsa kolveam zali.Ten'na ti imaz gheun kolveam gelo.Tichekhatir ek altar sozoilo ani thoim bosoili.[2]
Kaim vorsa uprant vorsan vors fam' monoupachi survat zali.Hea disa minin jezhuchi imaz lokank polloupak dourunk lagle.Tea imajichem besamv gheupak hozaramni lok ekttam-i yeupak lagle.Punn purtugalant zaupi kaim rajkaronni karnnank lagun sogllea dhormachea vhoddilamni jezhuit padrink raxol seminarint vochpapo adex dilo.Tachea vangdda te imazuy gheun gele.
Kolvenchea lokamni ti imaz portun haddpacho proitn kelo punn kaim faido zaunk na.Nimannem tea imaji bhoxen anik ek imaz toyar keli.Punn tea imajik mullave imajichi mudi ghatli ji tankam uprant mell'lli.Ani hache voilean portun xrod'dha nirmann zali.[3]
Fama dis
बदलFama disa poilim vhoddlem mis suru zata ani uprant imaz sokoil demvytat tacher mukutt ghaltat, moche, bhangor ani hatint zonddo ditat.Tache kopdde bhangor ani moteamni nettoil'le asta.
Misa uprant padri vigar ani komfrareacho mukheli ti imaz lokank dakhoitat ani magir tachem pursamv kaddttat.Pursamv zatkoch imaz altarar dourotat ani taka nhamvoitat.Taka dhove kopdde ghalun lokankhatir umamv gheupak fuddem kaddttat.
Denngi mhonnun ful va paklli ditat.Ani igrje bhair misam choltat.Bhurgim naxil'lim auy bapuy thoim magpak yetat, ani zankam angounn kelea upront bhurgim zolmoleat oxem mantat tim angounn farik korpak yetat ani bhurgeancher arxivad ghalpak altarar dourotat.Tea disa besamv ghatil'lim bentinam vantt'ttat.[4]