Devachi Kakut
Romi
|
Devache Kaklutichem Chitr ( Rupkar )- Divine Mercy Image बदल
Devache Kaklutichem Chitr बदल
1931 vea vorsa Febrerache 22ver Polant ghavan Kakutsor Jezu St. Faustinak dixtti podtta. Ti he porim boroita;"Eke sanjer, hanv mojea kuddan astana, havem Jezuk eka dovenful angvostrant pollelo. Ek hat ubarlolo adhinvecheak besanv ani dusro ordear dovorlolo. Tachea angvostrantlean, don uzvaddachem kirnam bhair sortalim, Ek, tambddem ani dusrem dovsar. Hanv oginch nialltalim. Eke vatten mojer bhirant suttleli ani dusre vatten, vhodd koxealkai bhogleli. Thoddea vellar Jezun maka sanglem. "
"Tuvem pollelaim tea pormonnem chitar(paint) ani sokla him utram borai JEZU HANV TUJER PATIETAN, Maka zai tea rupkarak poilo tumchea kopelant man dilolo ani uprant soglea sonvsarant (Pustok47)
Hea Rupkarachi Somzoni बदल
St Faustinachea konfesoran tichem lagim maglem, Suan Jezu kodde vichar mhunn heam 2 kirnanchi somzonni. Tinnem Jezu lagim vinchartoch. Tannem heporim somzonni dili. "Kirnam hea rupkaracher dakoitat rogot ani udok jem Mhoje kakutintlea thavantlem vhanvlem, jedna Khursar Mhojem Khontiborit Kalliz vidarlem. Him dovsar kirnam dakhoitat udok jem duta amcho otmo ani tambddin kirnam-Rogot jem vortovta otmeanchem jivit. Him Kirnam samballtat munxeak Mhojea Bapachea ragantlo. Suki ho zo kirnanchea asrea khal jieta, kiteak thium kednanch Devache niticho hat pavchona." (Pustok 299)
Hanv munxeank ek aidon ditam, zache vorvim sogleamnin kakutiche zhorixim vocheunk zai kurpa gheunk. Tem aidon vortouta hem rupkar(Chitar) ani tacher hem boroup asum : JEZU HANV TUJER PATIENTAM (Pustok 327)
Hanv bhasaitam konn jea rupkarak man dita kednanch emkonddant vechonam. Tea bhiar, hea sanvsarant, odik korun mornnachea vellar dusmanancher oit vortole. Hanvunch taka samballtolom Mozo Onod zalelea porim (Pustok 48 )
.jpg)
Devachie Kakluticho Ters बदल
Devache kaklutichea tersacho oromb : 1935 vea vorsa Setembrachie 13ver St. Faustinan ek Boddvo pollelo, Devachi nit korunk patthoilolo. Viz ani ghoddghodde tachea hatant aslele. Devachea ragachio khunna mhonn tika kollon ailem. Devan patthoilo mhunn sonvsarak, odhik korun eka kherit ganvank khast launcheak. Tea bori ti khotkhotit magnnim korunk lagli. Tinnem Boddvea laghim kakut kor mhun prarthun maglem. Punn, tika dison ailem tichim magnnim Devacho raag palounk folladik nhoi mhunn. Tednam sogli trinidad tika dixtti poddli. Ti tea porzollan soglich guspoli. Tea borobar, tinnem him utram aikolim "Sasnnachea Bapa, Tujea Mogachea Puta, amchea Dhonia Jezu Kristachi kudd ani Rogot ani Otmo ani Devponn amchea ani akhkhea sonvsarachea patkanchea farikponnam khatir hanv tuka bhettoitam.." Heam utramni tinnem sonvsarachea salvosanvam khatir Devak ulo marunk suru kelem. Ani ojeapanchem ojeap ! Hea magnneachi podvi itli ki Boddvea lagim anik khast launk goddonam zalem." ( Pustok 474, 475)
Dusrea disa Kopelant bhitor sortana him utram tinnem aikolim :- "Jitle pavtti tum kopelant bhitor sortai, title pavtti mhunn havem kal magnnem xikoilam tem. "Tinnem hem magnnem mhunnlea uprant, novena za aikoli sangun - "Hem magnnem Devacho rag palounk chodd folladik. Tum tersachea kontar mhunn he porim. "
Deivik Kakluticho Ters ( Chaplet of Divine Mercy ) बदल
Poili mhunn :
Ek Amchea Bapa, ek Noman Marie ani ek Sotman'tam
Tea uprant motteam mhunneancher ( Amchea Bapa Suvater ) Mhunn :
Sasnnachea Bapa, Tujea Mogachea Puta, amchea Dhonia Jezu Kristachi kudd ani Rogot ani Otmo ani Devponn amchea ani akhkhea sonvsarachea patkanchea farikponnam khatir hanv tuka bhettoitam.
Dha lhan mhunneancher ( Noman Marie Suvater ) 10 pautti mhunn :'
Jezuchea bhou dukhest koxttam khatir, Amchi ani soglea sonvsarachi kaklut kor.
'
(Tersache porim (5) khonnam uprant ) Nimannea Khonnam uprant xettim, 3 pautii mhunn :
Povitr Deva, Povitr Sorvpodvedara, Povitr Omor Deva, amchi ani sogllea sonvsarachi kaklut kor.
Chitr Prodorxonn बदल
-
A display at the Altar on Divine Mercy Sunday at St Pancras Church Ipswich. -
A 2006 rendition of the image above the altar of the sanctuary of the Fathers of Mercy
