Romi
     

Dusri Somurt Pustok बदल

 
Moses receiving the Law (top) and reading the Law to the Israelites
 
Tissot Moses Sees the Promised Land from Afar

Deuteronomy

Pentateukachem hem nimannem, panchvem pustok, Dusri Somurt (Greg bhaxen deuteronomion, “dusrem pustok”), kiteak hem pustok Korarachea Grontha (“Covenant Code”, polle Sutt. 20/23 -23/19) boldek razak dilolem. Judev poromporent hea pustokacho mathallo mhollear “sobd, utram” (devarim), poilea slokachem utor hem. Moizes hea pustokacho sompadpi, oxem porampora mhonnot ailea, punn nimanno ovesvor Moizesachea mornnachi khobor korta, mhonttoch ho ovesvor dusrea hatacho aila. Tachim bhaxonnam amkam hem pustok dita. Hem pustok aronneant dil’lea kaideanchi ani Somurtechi khobor korta. Khub kallan hem pustok akarun ailam. Somurt dita. Korarachi khobor korta, nitichi kariavoll pallunk, durbollanchi sevachakri korunk, bhovkorn onathanchi, vidvanchi, ani videxeanchi, ulo marta. Nimannea vantteant Moizesachea nimannea vorsanchim khobor korta, Joshuak novem misanv dita, uprant Moizesachem git, tacho axirvad ani moron. Moizesachea bhaxonnamnim vhodd suttkechea ghodditanchi khobor amkam mellta, Sinai porvotar Somurt dilea, ani bhasailolo des jikhun ghetla, hem sogllem iskuttaun hea pustokant mellta. Mornna adim Moizes Devachea mogacho ugddas korta, oronneantlim ghodditam hoch mog dakhol kortat, dekhun Korarak visvaxi ravunk ani Devacho mog sogllea monan, kallzan ani bollan korunk to ulo marta.

Dev Israelak apoita, taka ek kherit apovnnem dita, Somurt dita, dekhunuch novea jivitacho rosto dakhoita. Devan he porjek des dila, tacho mog ani opurbai ti korta. Israel povitr porza, Israelan Devak visvaxi ravunk zai, hem “ Aik, O Israela” (Shema), sanjechea prarthonant mellta. Korar, hem bhov mhotvachem Utor hea pustokant, thoim tacho khol-khol somoz mellta. Ek Dev, ek Porza, ek Mondir, hea utramnim Dusre Somurtichea pustokacho sonkxep mellta. Hem pustok Kristi jivitant bhov mhotvachem.

Polleiat बदल

Book_of_Deuteronomy

Books_of_the_Bible

Bible

Sandarbh बदल


[1]

  1. http://www.usccb.org/bible/books-of-the-bible/index.cfm
"https://gom.wikipedia.org/w/index.php?title=Dusri_Somurt_Pustok&oldid=199284" चे कडल्यान परतून मेळयलें