जॉर्ज एम. मोरायस
जॉर्ज मार्क मोरायस (११ मे १९०५ – एप्रिल १९९४)[1] जो जॉर्ज एम. मोरायस ताच्या नांवार २९ वयर इतिहासीक आनी संशोधन ग्रंथ आसात जे ७४ प्रकाशनांनी आनी ५४२ ग्रंथालय होल्डिंगांनी उजवाडाक आयल्यात. ताका गोंयचो एक व्हड बुदवंत आनी इतिहासकार मानतात. मोरायस हाचो ‘द कदंब कुला’ (१९३१) ह्या पुस्तका खातीर चड नामना आसा.
जॉर्ज एम.मोरायस | |
|---|---|
 जॉर्ज मार्क मोरायस हाचें चित्र | |
| Born | ११ मे १९०५ कुंकोलीम, गोंय, पोर्तुगेज भारत, पुर्तुगेज साम्राज्य (आतां भारतांत) |
| Died | एप्रिल १९९४ (पिराय ८८) गोंय, भारत |
| Education | पीएच.डी (इंग्लीश) |
| Occupation |
|
| Years active | १९२७-१९९४ |
| Employer |
|
Notable work | कदंब कुल: पुर्विल्ल्या आनी मध्ययुगीन कर्नाटकाचो इतिहास (१९३१) |
सुरवातीचें जिवीत आनी शिक्षण
बदलजॉर्ज मार्क मोरेस हाचो जल्म ११ मे १९०५ दिसा बेंकलीमवाडो, कुंकोलीम हांगा जालो. ताणें इंग्लीशींतल्यान तत्वगिन्यानाचो डॉक्टरेट (पीएच.डी.) पुराय केल्लो.[2]
करिअर
बदलमोरायस मुंबयच्या सेंट झेवियर कॉलेजींत इतिहासाचो प्राध्यापक आशिल्लो. ‘द कदंब कुला’ (१९३१) हें ताचें पुस्तक कदंबवंशाचेर ताणें केल्लें संशोधन. गूगल बुक्साच्या मतान ताचो वावर संस्कृतीक नदरेन म्हत्वाचो आशिल्ल्यान अभ्यासकांनी वेंचून काडलो आनी आतां तो संस्कृतायेच्या संकल्पनेचो एक भाग जाला. तशेंच ताणें ‘हिस्ट्री ऑफ क्रिस्तांव इन इंडिया’, ‘हिस्टोरिओग्राफी ऑफ इंडियन लँग्वेज’ आनी हेर जायते पुस्तक बरयल्यात आनी तीं जायत्या आवृत्त्यांनी उजवाडाक आयल्यात.[3]
तशेंच, रॉयल एशियाटिक सोसायटी आनी इंडियन हिस्टोरिकल रिसर्च कमिशन ह्या सारक्या वयल्या पांवड्यावेल्या संस्थांनी मोरेसाचो काम आशिल्लो.[3]
लिगसी
बदलमोरेसाच्या सन्मानार्थ वाचनालय स्थापन करपाचो यत्न थळाव्या थोड्याच लोकांनी केलो. 18 जुलय 2020 दिसा थळाव्या लोकांनी नव्यान बांदिल्ले गोंय राज्य शार उदरगत एजन्सीचे इमारतीचें नांव ताच्या नांवान दवरपाची मागणी केली.[3]
उपरांतचो परिणाम
बदलबेंकलीमवाड्डो, कुंकोलीम हांगाचें मोरेसाचें दायज घर 17 जुलय 2020 दिसा सतत पावस पडपाक लागून कोसळ्ळें. जायतीं वर्सां ती वायट स्थितींत आशिल्ली आनी काळा प्रमाण ती वायट जायत गेली. 2019 वर्सा पावसाच्या दिसांनी घराची कमान कुसकुसली आनी उरिल्लो घर कुसकुसलो.[4]
मोरेसाचे पयसुल्ले नातेदार ही मालमत्ता विकपा खातीर मालकी हक्क सांगपाचे प्रक्रियेंत आशिल्ले. पूण कुंकोलीमच्या थळाव्या लोकांनी कुसकुसपा पयलीं कुंकोलीम पालिका मंडळाक जमीन आनी उल्लेख केल्लें दायज घर मेळोवपाचें आवाहन केल्लें की मोरेसाच्या नांवान भुरग्यांचो उद्यान बांदचें.[3]
उपरांत थळाव्या लोकांनी अधिकार् यांक प्रस्न केलो की राज्य प्रशासन आनी थळाव्या सरकारान मोरायसाचें घर इतिहासीक दायज म्हूण सांबाळपा खातीर कसलोच फुडाकार कित्याक केलो ना.[3]
संदर्भ
बदल- ↑ Vaz, J. Clement (1997). Profiles of Eminent Goans, Past and Present (in इंग्लीश). Concept Publishing Company. ISBN 978-81-7022-619-2.
- ↑ Desk, N. T. "Another part of historian's house collapses in Cuncolim – The Navhind Times" (in अमेरिकन इंग्लीश). Retrieved 2023-02-25.
- ↑ 3.0 3.1 3.2 3.3 3.4 "House of great historian, George Mark Moraes collapses". oHeraldo. Retrieved 2023-02-25.
- ↑ "Goa: Part of historian's house in Cuncolim collapses in rain". The Times of India. 2020-07-18. ISSN 0971-8257. Retrieved 2023-02-25.