Goenchem Prochar Madheom

Goem, ek lhan (3,700 chovkott kilometr, 1.4 milianv lokvosti) adli Purtugez vosnnuk ani sod'deak Bharotantli dhaktto prant zo dokxinn Asiechea ostompt doriadeger urta. Tachem prochar madheom khoreponni guspagondollachem jem somzunk avgodd ani zacher zaitem uloilolem melltta.

Fattbhuim बदल

Vorsam modem prochar madheomant, zaito bodol zalolo dista (adlea 20vea xekddeachea disanim) jen'na tem Katolk somazant probhavi pongddachem zhuzamoll aslem (zati mandpi xikloleancho vo vegllea rajki vibhaglolea pongddancho aspav asun) zoim probhavi ani xiklolea ganvkaranim xek choloilo. 1961 vorsa, Purtugez razvottke uprant,zaitim vortomanpotram suru kelint jim ganvchea probhavi minachea pongddanchim aslim. Henvuim, halim bodol'lam ani kaim prochar madheom rajki pokxank lagim ailam.

Inglix ani Moratthi बदल

Chodd vachlolim Goenchim vortomanpotram Inglix ani Moratthi bhaxent asat ani chodd uloilole thollavea Konknni bhaxent ekuch Sunaparant nanvachem disallem asa.Hachem karonn, Moratthi ani Inglix chodd sahitik ani borovpachea gorzank Goeant sod'deak vapuddttat ani Konknni chodd uloiloli bhas urta.Ek motint dhorpachi gozal mhonnche Konknni virudh Moratthi bhaxechea zhogddeank lagun don bhasanchea zomeam modem dusmankai zanvk pavlea (2006 vorsant,

Konknnichea Devnagri lipi ani Romi lipi vapuddpeam modem kizil cholta).

Inglix bhaxentlim Goenchim disallim The Navhind Times jem Dempo minachi komponi 1963 thavn uzvaddaita ani sod'deak (Febrer 2006) Arun Sinha sompadaita, adlem Purtugez bhaxentlem disallem atam Inglix bhaxentlea vhodd akarachem Herald nanvanchem vo chodd nondnikoronn kel'lea nanvan O Heraldo mhonn vollkhotat zacho dhoni Fernandes Publications zavn asa zo pongodd chhap'pachea ud'degant aslo zo adlea tanchea pustok mandda vorvim vaddunk pavla. Tisrem, Inglix bhaxentlem dispotr The Gomantak Times zachem dhoniponn Chowgule mina kompone koddlean rajki sombond aslolea sezarchea Mharaxttr prantantlea Pawar kuttumba kodden gelam.

Febrer 2006,Herald ani Gomantak Times hanche sompadpi Robin Abreu Bombaimcho adlo potrkar ani Sanjay Gupta adim Kolkatachea The Telegraph hantunt ani her potranim vavurpi zavn asat.

Ekmev Inglix mhoineallem Goa Today,Vinayak Naik sompadaita ani Goa Publications tacho dhoni,jem Sallganvkar mina komponi choloita. Her porgottneo Inglix bhaxentleo Goa Messenger,Goan Observer, adi zavn asat.

Moratthi molleant, nanvlovkik potram Tarun Bharot (jem adim sezarchea Belganv xarant thavn porgott zatalem punn atam Porvori tancho chhapkhanno asa); Gomantak( Gomantak Times hachem sangati ani adlem probhavik); Navhind Times hachem Navprabha/Dempo gottachem ani her porgottneo choddxeo 'Goencheo avruti' uzvaddavop jim Goeam bhair thavn chhaptat ani zancheo kocheri Goenchea bhair asat.

Novi ghoddnni Gova Dhoot uzvaddavop jem adlea raj korpi Bharotia Janta Pokx hankam lagim asa punn survat korpi hem nakartat. Anik tin doskanchem adlem vortomanpotr, Moratthi disallem Raxttrmot Dokxinn Goenchea Moddganv xarantlem jem hea doskacheam survatek bond poddlem.

1980 vorsa, Romi Konknnint Novem Goem duddvanche oddchonnek ani goir karbharak lagun bond poddlem. Tachi survat vhodde umedin ani Goenchi podiatra korun duddu ektthavn kel'li.

Akaxvanni बदल

Emissora de Goa, ek bollixtt reddio sttexon aslem jem Purtugez kallar khub lok umedin aikotalo. Tacho sttudio Goenchea rajdhani Ponnjechea voir Altinho dongurler asa punn tacho ttransmittor 5 kilometr ontracher Bambole urta. Bambole bollixtt ttransmittor asa zo Bharotachea ontoraxttrik kariakromant, porki bhasancheo kariavolli vitraita.

1.Fattbhuim: Mull vahini viret, Akaxvannink ek FM vo bodol

zullovpi vahini asa. Taka Rainbow FM pachartat. Survatechea 2006 vorsant, FM vitravnni ord tem ak'kho dis asli punn atam tantunt Novi Dil'lintleo kariavolli prosarnnecho aspav asa.

2006 Janer akhrek, tin khasgi FM reddio ud'degi- zacho Bharoti prochar madheomache vorixtt Times of India, BPL Electronics ani vhoddlem Anil Ambani Adlabs hachem mhamonddoll zoddi- hannim khasgi FM reddio sttexona Goeant sthapunk lans jikhleat.

Vitravnechi fattbhuim बदल

Modlea nnovodant, jen'na Bharotant poilo khasgi FM vitravnnecho proiog kelo, ten'na Goem- hem dhakttea bhonvddekaranchem pennem, desachea panchvea zagear urlem zoim khasgi ud'degkarank FMchi suvat mell'lli.Her chear kendram, motthim mhanogram zoxem Delhi, Mumboi, Kolkatra ani Chennai aslim.

Dusrea panvddeachem FM porvangek,Goem (chodd korun rajdhani Ponnji) zoim lokvosti ek lak tem tin lak asa dekhun 'D' vorgachea xarant vibhaglem.

Khasgi FM 'D' vorg xarantleanim ek tem tin KW ERP (ttransmittor utponachem boll) vapddum ieta. (Hi xaranchi vibhagnni lokvosteche ghottaiecher adarleli asa. Dekhik, Kolkata A+ xarak ,Chandigodd chea 'C' vorgachea xara von unno lans mell'llo. Bharotacheo FM dusrea panvdeachea dhornnachem mahitipotr www.mib.nic.in hanga pollonvk melltta).

Goem, ho Bharotacho dhaktto prant zachi 1.4 milianv lokvosti asa thoim zoitivont lans ghevpi oxe asle: ENIL (Times pongodd-Radio Mirchi) 17.1 milianv Rupia; Indigo (BPL-Rajiv Chandrashekar) 12.9 milianv Rupia; ani Adlabs (Reliance-Ambani pongodd) 12.1 milianv Rupia.

Bharotachem sod'deachem dhoronn, dha vorsanchea porvange kallak ek pavttechi chiptti formaita. (Bharoti hixeobache chalint, ho duddvam ankddo dha vorsank dor vorsak 10 ttoke.Dusrea utramnim, komponechea faido-luskonn hixeobant ENIL tanche 17.1 milianv Rupia, dor vorsak 1.71 milianv Rupia hixeobant dhortoli.

Sogleant unni voidh lansachi rakhiv kimot 25 ttokeancher ankhnni kelea. Hea babtint. Goenchea bhanddvollachi rakhiv kimot 4.27 milianv Rupia asa.

Vorsuki porvange chiptti khasgi komponeank mhosulache 4 ttoke vo rakhiv kimoteche 10 ttoke, khoinchem chodd tem, tharailea. Tea pasvot, unneant unnem khatrechem vorsachem bhorop Ponnji FM choloitoleank 4.27 milianv Rupiache 10 ttoke vo 427000 Rupia (mhosul chodd aslea kheriz).

Poilim, Bharotachem proitn FM khasgikoronn korpak borem cholunk na jen'na khasgi komponeank koblati pormonnem sorkarak ievjilolea pormonnem duddu zoma korunk ghoddlem na. Poilea panvddeache FM (vors 2000) choddant chodd pavnnecho lans Goeant 41.5 milianv Rupia aslo. Tea dhoronna promonnem, hachi vadd zavn- dor vorsa 15 ttoke- 146 milianv Rupiancher 10vea vorsa pavta asli.Lans ghevpeank 42.6 kotti rupia 10 vorsam modem bhorunk poddtta asle.Mottheo komponeo fattim sorleo dekhun thoddeank ojeap disunkna.

Hea vellar ekuch thollavi Goenchi komponi porvangi magunk lans divpi Tarun Bharat Multigraphics zavn asli. Punn lans jikhpi sogleo komponeo Goeam bhaileo asun, hacho vahinicher koslo porinnam zatolo tem pollonvchem asa.

Soglea tin zoitivont lans divpeank ttransmittor mull sovloti, dhoronnant bodol korna zalear, Akaxvannichea sangata Ponnje lagsor tharavcheo poddttoleo.

Akaxvannichea FM Rainbow haka 6 KW ttransmittor asa ani ho Goenchea pois zageancher aikunk iena. Khasgi FM cholovpeank 3 KW tankichea ttransmittorank maniotai dilea.

Radio Mirchi (Times FM pongddantlo, ek Bharoti motthea vortomanpotr sankllecho) zaitea kalla uprant Goeant portun ieta. 1980 vorsa xevottak ani 1990 chea survatek Times FM Ponnjechea Akaxvanni FM vahinintlo vitravnnecho vell vikto ghetalem.

Tin nove 24 horanche stereo vahini 2006 xevttak suru zanvche asat. Times poilo asot, punn herui astolet.

C ani D vorgachea xarank, zalleant ani kariavollinchea bhagidarint maniotai dilea punn vahineo apleo ghorcheo kariavolli korunk posont kortat.

Khasgi FM hankam khobrank porvangi na (zorui lagu zavpi montri don tin vorsanim fer vichar korit). Raxttrik patlicher,sod'deacheo FM komponio- zoxeo Times of India,Hindustan Times, Mid-Day, BBC, adi- chodd korun vortoman potrancheo sanklli vo prochar madheom, FM hacher khobram khatir chodd zor ditat.

Vitravnnechi tank बदल

Atam (Febrer2006) poriant Goeank ek svotontr durdisnneachem sttexon na, sorkaran choloilolem Durdorxonn vitravnnechem zallem, jem thollavea bhaxentlea (Konknni ani Moratthi) thoddea vellak toiar korta.

Punn TVcheo khobro prostut korpi asat jeo sthanik ghoddneo toxench rajki ghoddnuko kebolantlean pollovpeank pavoitat. Oslea cholovpant, Goa Newsline, Goa Plus ,Goa 365 ani herancho aspav asa. Adlea BJP sorkaran odhikrutponnim sanglam kaim cholovpeank te palov ditale ani hachem karonn thollavea bhasanchea kariavollink mozot korpak, oxem dilam.

Prochar madheomacho odmas बदल

1980 chea survatek boroitana, manovxastri Dr Robert S Newman aplea borovpant Goenchea prochar madheomachi "motthea kuttumbaxim" sombond dakhoita.Hantunt hatbhor dhaktte ud'degkar, paromporik bhattkar ani zhuzantle faidekar zankam min kaddpachi porvangi mell'li ani tem min Japanank patthovpak dilem (dusrem sonvsari zhuz zalea uprant porot bandhnne khatir) hancho aspav asa.

Goa- The Transformation of an Indian Region, Pacific Affairs (August 1984) hantunt Newman hannim Goencher ek nibond boroila: "(vosnnuk rajea uprantlo Goencho Mukhel Montri Dayanand)" Bandodkar ani tache sangati karkhandaranim porjechem mot aplea potram ani tanchea tisrea panvddeachea xikxonn sounsthani jim tanninch sthaplolim udexim akarunk proitn kele( ekui svotont potr Goeant na). Dekhik Chowgule komponen Gomantak ani Uzvadd vortomanpotram suru kelint ani Moddganv kola ani vineanche kolejiche te provortok asle, Sallganvkaran kaidea kolej sthapli, Dempo The Navhind Times ani Navprabha-che dhoni je Miramarchea Dhempe kolejint ghuspolole asat.

Anik ek nibond Popular Protest and the Free Goa Press (91-113 panam) hantunt Norman Dantas aplea The Transformationof Goa (The other India Press, Mapusa, 1999) hantunt oxi cheorchea korta: Goeant, dispotrachea ogrlekhanim nixedh chollvollim voir, ek boreponnachi chalnuk dakhoinant ani oslea vixoiacher nixedhan revoddlole Goenchea pongddank, prochar madheoma koddlea vaitt onnubhov mell'lla. Nixedh ani prochar madheomachi ani Goencher tachi vagnnuk tin doskanchea kallant survat 'satthint tem nnovovdant 'poriant, hem polleta.

Bhailim Natim बदल

See full English translation at http://en.wikipedia.org/wiki/Media_in_Goa