Hindi film songit ghoddpant Goenkar

Ho lekh Bollywood kantaranchea songit ghoddpant jem filmi prokarant sombondit asa tachem Goenkaranchem yogdan asa.

Vollokh[sudar]

Survatechea 1900 vorsamni, Goenkar mukhel jazz ani ostompt songit Bharotant sador korpi asle. Goenkaramni ek mukhel kario Bollywood songitant 1980 vorsam meren kelam, je songit digdorspi zoxe porim O.P.Nayyar, C. Ramchandra, Shankar Jaikishan, Laxmikant Pyarelal ani S. D. Burman hanche khatir vavurtale.. Tankam 'songit digdorspi' pod vhoddle okxoramnim xroi divpant ietalem zorui Goenkaranchim nanvam dhakttea okxoramni ‘songit manddpi’ mhonn dakhovpant ietalim, Tea vellar fokot Goenkar, zannim ostomptechea songitachem proxikxonn ghetolem tankam songit vadheovrunda khatir rochunk kollttalem, zantunt motthea sonkhent vazontram sumellant vazovpant ietalim.

Frank Fernand hannem hi sthiti oxe toren vornnon kelea: "Veokteo jeo Hindi filmank songit ghoddttale tanchean songit borovnk zainaslem ani te tannim kamank dovorlolea vadheovrundachi tank nokllo asle. Te chitrsallent ietale ani tanchea Goenkar adareank ek modhur git gaitalet vo . harmonium-antli ek voll venchtale. Goenkar adari teo eka kagdar boroitalo, , piano, dol tass ani her vazontra khatir uprant songit zoddttalo.." Punn ho adari fokot sangta tem boroinaslo : survatechem ani kovna dulpodam modlem songit bosovpak tacho vavr aslo.Tanchea doddttea sonskrutechea daiza koddlean ani tancho jazz vazontranchea onnubhovan, Goenkaramni Bollywood songitak ek veglli bhul divnk pavlam. Uprant te vadheovrunda sangata ensai martale zantunt soglle Goenkar asle kiteak fokot Goenkarankuch tim ostomptechim vazontram vazovpak ietalim..[1][2]

Frank Fernand-ak he songit digdorspi fokot up-kontradar asle zanchem mukhel kam duddvamkaram kodden sombond dovrop zavn aslem. "Ami songit manddpi niz kam kortale. Te tanchea digdorspeank ani nirmovpeank aplea bogor kainch zaina mhonn bhopke martale. Punn eka songit digdorspeak, songita poros mhal vikpachi kollaxi gorjechi asli."

Anthony Gonsalves[sudar]

Anthony Prabhu Gonsalves (zolm 1928) ek Majorda ( Bharotachea Goenchem Moddganv lagsor) ganvcho Bharoti songit ghoddpi ani xikovpi zannem modlea 1950 vorsamni, Goenchea daizacho sumell Hindustani modhur songitant ani talant tea disanchea filmamni samil korpak proiotn kelo.

Taka tachem xarant poilem kam,ek rebek vazovpi koso Naushad hachea songit pongddant 1943 vorsa mell’llem..Tannem R.D. Burman ani Pyarelal Ramprasad Sharma ( Laxmikant Pyarelal zoddi)[3] hankam rebek xikoilem ani tannem famad songit ghoddpi 1950 ani 1960 vorsanchea khatir kam pollelam..Tachea thoddea vavra modem B.R. Chopra (Naya Daur, Waqt), Naushad (Dillagi), ani Chetan Anand(Haqeeqat) zavn asat. "My Name Is Anthony Gonsalves" kantar aplea rebek xikovpeak. Pyarelalachim argam zavn asa .

Chic Chocolate[sudar]

Antonio Xavier Vaz (zolm 1916), zaka Chic Chocolate mhonn vollkhotat to Holdonnecho.Tannem C. Ramchandra haka mozot kelea zannem Bollywood hantunt swing haddpak xroi favo zalam. Sur zoxe porim Ina Mina Dika Aasha filmantle ani Gore Gore O Banke Chore Samadhi filmantle hankam Chic-acho khaxelem chhap asa. Tachem chhap Cubachea hatan vazoilolea vazontran Shola Jo Bhadke, kantaran aikunk ieta jem Albela filmachea tea kantaracho survatecho sur asa. Chic and the Music Makers he filmachea kantarachea chitronnant distat zantunt Chic kemrak hanstana dixtti poddtta.

Chris Perry[sudar]

Chris Perry hachoi aspav filmachea chitrsallent aslo zo Khayyam-ank mozot kortalo ani nanvadik nanvam zoxe porim Lakshmikant ani Pyarelal, R. D. Burman ani Kalyanji Anandji hankaim vavurtalo.Tannem film udeogant ponchvis vorsam iogdan kelam. Hindi film songit digdorspeank adari koso ani zaitea Hindi filmant tacho vavr asa khas korun Kabhi Kabhi anid Trishul filmani dista.

Frank Fernand[sudar]

Frank Fernand, Bollywood-antlo poileantlo Goenkar ani tannem adari koso famad nanvam khatir zoxe porim Anil Biswas, Kishore Kumar, Roshan, C. Ramchandra ani heram khatir vavurla. Raj Kapoor-achem 'Barsat,' tachem mukhel kam Shankar Jaikishan-a khatir aslem.

Fernand songit conductor koso zaitea filmank aslo zantunt Don, Hera Pheri, Zanjeer ani Victoria No. 203 hancho aspav asa.To songit adari thoddea filmank aslo zantunt Johny Mera Naam hacho aspav asa.Tachem nimannem kam Hindi film udeogant Kalyanji Anandji hankam poilo adari koso aslem.. 

Sebastian D'Souza[sudar]

Sebastian D'Souza ek namnecho Bollywoodacho songit manddpi aslo zannem fankicho vavr Shankar-Jaikishan zoddiek 1952 ani 1975 vorsam modem kela. Tachem poilem kam O. P. Nayyar khatir aslem. Poilo sur zo tannem manddlo to Pritam aan milo, zavn asa zo C. H. Atma hannem 1955 vorsa gailo. Tannem ek surlipichi pod’dhot ievjili zache vorvim microtoneacho aspav aslo zache vorvim Bharoti gitanchem khaxeleponn vollkhupant ailam.

Alfred Rose[sudar]

Alfred Rose hannem Bollywood filmank songit rochlam zantunt Hindi film Love in Goa,hacho aspav asa.

Remo Fernandes[sudar]

Zaiteach Hindi filmank gavunui, Remo Fernandes hannem songit rochun kantaram borovn Khamoshi: The Musical, Trikal ani Jalwa filmank iogdan kelam(1987).

N Datta urf Datta Naik[sudar]

N. Datta urf Datta Naik, ek Goencho thollavo ravpi, tannem film karkird ek songit adari koso vhodd rochpi S D Burman-a khatir vavurla.. Datta-n Dada Burman-ak adari koso sabar filmani mozot kelea. Datta, Sahir Ludhiyanvi kantaram rochpeachea krantikari kantarank lagun porinnamit zalo. Jen’na Dattak svotontrponni songit rochpak Raj Khoslachea Milaap (1955)filmank poilo soeg mell’llo, tannem Sahir koveak ghevpak agro dhorlo. Hacho porinnam amkam sundor gitam zoxe porim 'Ye Baharon Ka Sama..' (Hemant,Lata), 'Jaate Ho To Jaao Par Jaoge Kahan..' (Geeta), adi.favo zaleant Milaapachem songit itlem famad zavnk pavlam ki Datta film udheogachea famad songitkaranchea vorgonnant ienvk pavlo.

Visrunk zainaslolim thoddim bhul gavpi ghoddpam Dattachea songitachi kosbi dakhoita zoxe porim:: 'Sitare Raah Takte Hai..' (Lata), 'Main Tumhi Se Poochhti Hoon..' (Lata) Black Cat filmantlem. 'Aurat Ne Janam Diya Mardon Ko..' (Lata), 'Sambhal-e-Dil..' (Asha-Rafi) Sadhna' filmantlem 'Maine Chaand Aur Sitaron Ki Tamnna Ki Thi..' (Rafi) Chandrakanta filmantlem, 'Ashkon Me Jo Paya Hai..' (Talat) Chandi Ki Deewar filmantlem, 'Kis Jagah Jaayen..' (Asha) Light House filmantlem, 'Ab Wo Karam Karen..' (Rafi) Marine Drive filmantlem, 'Daaman Me Aag Laga Baithe..' (Rafi), 'Tere Pyar Ka Aasra Chahta Hoon..' (Mahendra) Dhool Ka Phool filmantlem, 'Aaj Ki Raat Nahi Shikwon..' (Mahendra) Dharamputra filmantlem 'Laal Laal Gaal..' Mr. X filmantlem.

N Datta hannem eka 'Datta Naik' filmankui songit dilam. Sahir Ludhiyanvi aplo kantaram borovpi koso lamb kallacho tacho sangat tachea choddxea filmani Chehre Pe Chehra (1980) filma poreant aslo. Datta Naik ek somjikaiecho songit digdorspi aslo zannem favo tem vatavronn rochunk kantar porgottunk unneant unnem vadheovrund vaporlem..To 30 Dezembr 1987 vorsa devadhin zalo.

Henvui polloi

• • Bharotant Jazz

Sondorbh

• Behind the curtain: making music in Mumbai's film studios, Gregory D. Booth, 2008

Bhaileo Zullovnneo

• Gumnaam Hai Koi (Hindi), an episode about Goan arrangers and musicians, by Rajya Sabha TV on YouTube 
• Frank Fernand on IMDb 
• Chris Perry on IMDb 
• Anthony Gonsalves on IMDb 
• Alfred Rose on IMDb
•  Chic Chocolate on IMDb 
• Sebastian D'Souza on IMDb 
• Remo Fernandes on IMDb 
• N Dutta on IMDb