Romi
     

Jeremias achem Pustok बदल

Book of Jeremiah

 
Rembrandt van Rijn, "Jeremiah Lamenting the Destruction of Jerusalem", c. 1630
 
Jeremiah, as depicted by Michelangelo from the Sistine Chapel ceiling

Jerusaleachea xezareak jietolea iadniki ghorabeant, Jeremiasacho zolm 646 vorsa Kristi Xoka adim zalo. Dusrea khoincheach provadia poros, Jeremiasachea jivitachi ani tachea sobhavachi amkam odik bori khobor asa. ( 19/1 – 20/6; 26; 36; 45; 28-29; 51/59-64; 34/8-22; 37-44). Jeremias apunnuch aplim kumsaram sangta (11/18 – 12/6; 15/10-21; 17/14-18; 18/18-23; 20/7-18). Hea vorvim Jeremiasachea bhavnnancho onnbhov chakunk mellta. 626-267 vorsa, Jeremias tornnatto aslo tedna Devan taka apoilo (1/2). Judachi razvottki choltali tedna Jeremiasan akantachea kallak fuddo kelo, Jeremiasan provochonam kelim, dhomkavnneo dileo, nisontton zatoleachim bhakitam kelim, eka-fattlean ek ietolea Davidachea kulliechea razank tannem khoraien xittkavnneo dileo. Magir taka piddapidd ditat ani bondkhonnint ghaltat. Jedna Jerusaleachem nisontton zalem tedna Jeremias aplea ixtta Gedalia borabor Palestinant ravlo. Kaldeikaramnim, Gedaliak rajpak mhonn nemlolo. Uprant Gedaliacho khun kelo tedna bhieun thodde Judev apnna borabor Jeremiasak gheun Ejiptak pollun gele. Chodd korun to Ejiptak melo.

Jeremias provadiak Devan ‘umttunk ani moddun uddounk, nas korunk ani khala uddounk, bandunk ani vompunk’ apoilolo’ (1/10). ‘Zulum’ ani Nisontton’ him tachea sondexachim mukhel utram aslim (20/8). Jeremias ek xanticho monis, tori-I apleach lokancher, razancher, iadnikancher, khottea provadiancher, raxttracher porian to sodanch zhogddim ani vad kortalo (15/10). Taka ek karia dilolem ani hea kariak lagun taka zaitem sonschem poddlem punn he zobabdarek tachean na mhonnunk zalem na (20/9). Tannem apli dukh-khont magnneant vornnili : “ Mhaka sodanch dukh-khont kiteak ?’ (15/18).

Koxttam vorvim Jeremias nitoll zalo ani Devak ukto zalo. Novea Korarachea bhakitant spoxtt korche poilim (31/31-34), Jeremiasan bhitorlo kallzacho dhorm pall’llo. Heach pasot to Kristanvank ekdom’ lagim ani mogacho zaun asa. Hea khasgi dhormank lagun to poramporik xikounnecher novena chintunk laglo : Dev kalliz polleta (11/20) ani dhor ekleak tachea vaura pormannem mozuri dita (31/29-30); Patka vorvim Deva lagim ixttagoth (2/2) asa ti tutt’ta (4/4; 17/9; 18/12).

Jeremiasachem pustok don bhagamnim vanttum ieta :

Poilea bhagant Juda ani Jerusalea add dhomkavnnio asat 1/1 – 25/13

Dusrea bhagant raxttra add kelolim bhakitam asant, 25/13-38; 46-51

Polleiat बदल

Book_of_Jeremiah

Books_of_the_Bible

Bible

Sandarbh बदल


[1]

  1. http://www.usccb.org/bible/books-of-the-bible/index.cfm
"https://gom.wikipedia.org/w/index.php?title=Jeremias_achem_Pustok&oldid=199450" चे कडल्यान परतून मेळयलें